استانا – پاۆلودار تاسجولى كوپشىلىكتىڭ سىنىنا قالدى

فوتو: ۆيدەوكرين

الەۋمەتتىك جەلىدە استانا مەن پاۆلودار اراسىنداعى اقىلى جولدىڭ وپىرىلىپ كەتكەنى تۋرالى ۆيدەو تارادى, دەپ حابارلايدى qandastar.kz

كادرلاردان بەتون قاباتىنىڭ كوتەرىلىپ, جارىلعانى انىق بايقالادى. اپات جولدىڭ 118-شاقىرىمىندا تىركەلگەن.

جاۋاپتى مەكەمەلەر بۇعان اۋا تەمپەراتۋراسىنىڭ كۇرت كوتەرىلۋى سەبەپ بولدى دەپ وتىر.

سالا ماماندارىنىڭ ايتۋىنشا, قىزعان اۋا مەن ىلعال جول قاباتىن ىشىنەن كوتەرىپ جىبەرگەن.

قازىر كولىك قوزعالىسى ۋاقىتشا شەكتەلىپ, جوندەۋ جۇمىستارى جۇرگىزىلىپ جاتىر. وقيعاعا بايلانىستى ارنايى كوميسسيا قۇرىلىپ, جاعداي تولىق تەكسەرىلمەك.

جۇرگىزۋشىلەر ساپاسىز جولعا شاعىم ايتىپ, اقىلى تراسساعا تولەنەتىن قارجىنىڭ قايدا كەتىپ جاتقانىنا كۇمان كەلتىرۋدە.