ستۋدەنتتەر نارازى: قازاق ۇلتتىق ۋنيۆەرسيتەتى قازاقتىلدى وقىتۋشى تاپپاي وتىر

فوتو: tengrinews.kz

ءال-فارابي اتىنداعى قازاق ۇلتتىق ۋنيۆەرسيتەتىندە كەزەكتى شۋ ورىن الدى. ستۋدەنتتەر قازاقستاندا ءجۇرىپ, قازاق تىلىندە ءبىلىم الا الماعانىنا نارازى, — دەپ حابارلايدى qandastar.kz qumash تەلەگرام ارناسىنا سىلتەمە جاساپ.

قازۇۋ مەحانيكا-ماتەماتيكا فاكۋلتەتىنىڭ قازاق بولىمىندە وقيتىن 3-كۋرس ستۋدەنتتەرىنە ورىس تىلىندە ساباق بەرىلەدى. ستۋدەنتتەر تەوريا مەرى ي ينتەگرال لەبەگا ءپانى قيىنعا سوعىپ وتىرعانىن ايتىپ وتىر. ولاردىڭ سوزىنشە, جازعى سەسسيانى ەڭسەرەمىز دەپ ەسەڭگىرەپ كەتكەن.

سەبەبى, دەكانات قازاقتىلدى وقىتۋشى تاۋىپ بەرە الماعان. بۇعان قوسا «قارا تىزىمدە سياقتىمىز, باعالاۋ جۇيەسىنە كوڭىلىمىز تولمايدى» دەيدى ستۋدەنتتەر. مىسالى, سيللابۋس بويىنشا ماكسيمالدى بالل 100 بولسا, ولارعا 60-70-ءتىڭ اينالاسىن ۇسىنىپ, ودان جوعارى بالل الۋ مۇمكىن ەمەستىگىن كەسىپ ايتقان. سونىڭ اسەرىنەن GPA تومەندەي بەرەدى, ال 4-ءشى كۋرسقا ءوتۋ ءۇشىن شەكتى بالل جەتىسپەي قالاتىنى تاعى بار.

«گرانتتا وقيمىز, ءبىر كۋرستى قايتا وقۋىمىز ءۇشىن قارجى قولبايلاۋ. بۇل دۇنيەلەردى ءبىلىم ىزدەپ كەلگەن ستۋدەنتتى قاناۋ دەپ تۇسىنەمىز», — دەلىنگەن ستۋدەنتتەردىڭ شاعىمىندا.