Stýdentter narazy: Qazaq ulttyq ýnıversıteti qazaqtildi oqytýshy tappaı otyr

Foto: tengrinews.kz

Ál-Farabı atyndaǵy Qazaq ulttyq ýnıversıtetinde kezekti shý oryn aldy. Stýdentter Qazaqstanda júrip, qazaq tilinde bilim ala almaǵanyna narazy, — dep habarlaıdy qandastar.kz qumash telegram arnasyna silteme jasap.

QazUÝ mehanıka-matematıka fakýltetiniń qazaq bóliminde oqıtyn 3-kýrs stýdentterine orys tilinde sabaq beriledi. Stýdentter Teorııa mery ı Integral Lebega páni qıynǵa soǵyp otyrǵanyn aıtyp otyr. Olardyń sózinshe, jazǵy sessııany eńseremiz dep eseńgirep ketken.

Sebebi, dekanat qazaqtildi oqytýshy taýyp bere almaǵan. Buǵan qosa «qara tizimde sııaqtymyz, baǵalaý júıesine kóńilimiz tolmaıdy» deıdi stýdentter. Mysaly, sıllabýs boıynsha maksımaldy ball 100 bolsa, olarǵa 60-70-tiń aınalasyn usynyp, odan joǵary ball alý múmkin emestigin kesip aıtqan. Sonyń áserinen GPA tómendeı beredi, al 4-shi kýrsqa ótý úshin shekti ball jetispeı qalatyny taǵy bar.

«Grantta oqımyz, bir kýrsty qaıta oqýymyz úshin qarjy qolbaılaý. Bul dúnıelerdi bilim izdep kelgen stýdentti qanaý dep túsinemiz», — delingen stýdentterdiń shaǵymynda.