ستۋدەنتتەر تالابى: «جاڭا ادامدار» تۇرعىنباەۆتىڭ جۇمىستان كەتۋىن سۇرايدى

فوتو: جەكە قورىنان

«جاڭا ادامدار»  — پرەزيدەنت قاسىم-جومارت توقاەۆتىڭ جاڭا قازاقستاندى قۇرۋ تۋرالى باستاماسىن قولدايتىن پاتريوتتىق جاستار قوزعالىسى. باستى قۇندىلىقتارى – ەڭبەكقورلىق, بىلىمگە باسىمدىق بەرۋ, پراگماتيزم جانە كاسىپكەرلىك. وكىنىشكە قاراي وسى قۇندىلىقتار باتىس قازاقستان ۋنيۆەرسيتەتىندەگى جاراتىلىستانۋ-گەوگرافيا فاكۋلتەتى دەكانى احان تۇرعىنباەۆتا جەككورىنىش سەزىمىن تۋدىرادى, دەپ جازدى qandastar.kz

«جاڭا ادامدارعا» احان تۇرعىنباەۆ پەن باتىس قازاقستان ۋنيۆەرسيتەتىندە وقيتىن ءبىزدىڭ بەلسەندىلەر اراسىنداعى اڭگىمەنىڭ اۋديوجازباسى كەلىپ ءتۇستى. بۇل جازبادا دەكان «جاڭا ادامداردى» ەكسترەميستەر مەن تەرروريستەر دەپ اتاپ, ستۋدەنتتەرگە قوزعالىس ارەكەتتەرىنە قاتىسۋعا تىيىم سالدى, ال قۇلاق اسپاعانداردى وقۋدان شىعارامىز دەپ قورقىتقان. اڭگىمەلەسۋ ناتيجەسىندە تۇرعىنباەۆ  7 بەلسەندىدەن رەكتور اتىنا «وتباسىلىق سەبەپتەرمەن» وقۋدان شىعارۋ تۋرالى وتىنىشپەن ارىز جازۋدى تالاپ ەتكەن. دەكان بۇل ارىزداردى بوپسالاۋ قۇرالى رەتىندە كۇنىن جازدىرماي وزىنە قالدىردى, «جاڭا ادامداردىڭ» كامپۋسىندا نەمەسە ناۋقاندارىندا كوزگە تۇسكەن ستۋدەنتتەردىڭ ارىزدارىنا كۇنىن جازىپ, وقۋدان شىعارۋعا ۋادە بەرگەن.

«جاڭا ادامدار» احان تۇرعىنباەۆتىڭ ادام جانە ازامات رەتىندە كەز كەلگەن, ءتىپتى ەڭ كۇلكىلى قۇندىلىقتاردى ۇستانۋعا جانە پرەزيدەنت باستامالارىن قولداماۋعا قۇقىلى ەكەنىنە سەنىمدى. الايدا تۇرعىنباەۆ وقۋدان شىعارۋ ارقىلى قورقىتىپ, ءوز سەنىمىن ستۋدەنتتەرگە تاڭۋعا تىرىسقانى – جول بەرۋگە بولمايتىن جايت.

دەكان احان تۇرعىنباەۆ كورسەتكەن ستۋدەنتتەرمەن جۇمىس ىستەۋ ادىستەرى پەداگوگيكالىققا جاتپايدى عانا ەمەس, ولار قىلمىستىق. مۇنداي ادامنىڭ جاڭا ادىلەتتى قازاقستاننىڭ ءوسىپ كەلە جاتقان بۋىنىنا ءبىلىم بەرۋگە قۇقىعى جوق. جاڭا ادامدار تۇرعىنباەۆتىڭ دەرەۋ قىزمەتىنەن كەتۋىن تالاپ ەتەدى.

ماحامبەت وتەمىسوۆ اتىنداعى باتىس قازاقستان ۋنيۆەرسيتەتىنىڭ رەكتورى نۇرلان سەرعاليەۆتەن وقۋ ورنىنىڭ قابىرعاسىندا بولىپ جاتقان جايتتارعا نازار اۋدارۋىڭىزدى, احان تۇرعىنباەۆ ءوز ەركىمەن قىزمەتىنەن كەتۋدەن باس تارتسا, شارا قولدانىپ, كاسىبي جارامسىزدىعىنا بايلانىستى جۇمىستان بوساتۋىڭىزدى سۇرايمىز.

«جاڭا ادامدار» ءبىزدىڭ بەلسەندىلەرىمىز بەن جاقتاستارىمىزدى قورقىتۋعا بەل بۋعانداردىڭ بارلىعىنا ەسكەرتۋ جاسايدى: بىرەۋىنە تيىسكەندە, بۇكىل قوزعالىسپەن بەتپە-بەت كەلۋگە دايىن بولىڭىزدار.