Stýdentter talaby: «Jańa adamdar» Turǵynbaevtyń jumystan ketýin suraıdy

Foto: jeke qorynan

«Jańa adamdar»  — Prezıdent Qasym-Jomart Toqaevtyń Jańa Qazaqstandy qurý týraly bastamasyn qoldaıtyn patrıottyq jastar qozǵalysy. Basty qundylyqtary – eńbekqorlyq, bilimge basymdyq berý, pragmatızm jáne kásipkerlik. О́kinishke qaraı osy qundylyqtar Batys Qazaqstan ýnıversıtetindegi jaratylystaný-geografııa fakýlteti dekany Ahan Turǵynbaevta jekkórinish sezimin týdyrady, dep jazdy qandastar.kz

«Jańa adamdarǵa» Ahan Turǵynbaev pen Batys Qazaqstan ýnıversıtetinde oqıtyn bizdiń belsendiler arasyndaǵy áńgimeniń aýdıojazbasy kelip tústi. Bul jazbada dekan «Jańa adamdardy» ekstremıster men terrorıster dep atap, stýdentterge qozǵalys áreketterine qatysýǵa tyıym saldy, al qulaq aspaǵandardy oqýdan shyǵaramyz dep qorqytqan. Áńgimelesý nátıjesinde Turǵynbaev  7 belsendiden rektor atyna «otbasylyq sebeptermen» oqýdan shyǵarý týraly ótinishpen aryz jazýdy talap etken. Dekan bul aryzdardy bopsalaý quraly retinde kúnin jazdyrmaı ózine qaldyrdy, «Jańa adamdardyń» Kampýsynda nemese naýqandarynda kózge túsken stýdentterdiń aryzdaryna kúnin jazyp, oqýdan shyǵarýǵa ýáde bergen.

«Jańa adamdar» Ahan Turǵynbaevtyń adam jáne azamat retinde kez kelgen, tipti eń kúlkili qundylyqtardy ustanýǵa jáne prezıdent bastamalaryn qoldamaýǵa quqyly ekenine senimdi. Alaıda Turǵynbaev oqýdan shyǵarý arqyly qorqytyp, óz senimin stýdentterge tańýǵa tyrysqany – jol berýge bolmaıtyn jaıt.

Dekan Ahan Turǵynbaev kórsetken stýdenttermen jumys isteý ádisteri pedagogıkalyqqa jatpaıdy ǵana emes, olar qylmystyq. Mundaı adamnyń Jańa ádiletti Qazaqstannyń ósip kele jatqan býynyna bilim berýge quqyǵy joq. Jańa adamdar Turǵynbaevtyń dereý qyzmetinen ketýin talap etedi.

Mahambet О́temisov atyndaǵy Batys Qazaqstan ýnıversıtetiniń rektory Nurlan Serǵalıevten oqý ornynyń qabyrǵasynda bolyp jatqan jaıttarǵa nazar aýdarýyńyzdy, Ahan Turǵynbaev óz erkimen qyzmetinen ketýden bas tartsa, shara qoldanyp, kásibı jaramsyzdyǵyna baılanysty jumystan bosatýyńyzdy suraımyz.

«Jańa adamdar» bizdiń belsendilerimiz ben jaqtastarymyzdy qorqytýǵa bel býǵandardyń barlyǵyna eskertý jasaıdy: bireýine tıiskende, búkil Qozǵalyspen betpe-bet kelýge daıyn bolyńyzdar.