Sý basý qaýpine ákeledi»: sınoptıkter eskertý jasady

Qazgıdromet» RMK ókili naýryzdyń sońyna deıin óńirlerde qar qarqyndy túrde erıtinin eskertip, sý basý qaýpi tónip turǵanyn habarlady.

Qazgıdromet» RMK bas dırektorynyń birinshi orynbasary Serik Saırov brıfıngte elimizde qar jamylǵysynyń aýdany 72 paıyzdan 66 paıyzǵa deıin azaıǵanyn aıtty. 16-19 naýryz aralyǵynda kún raıy jaýyn-shashynsyz bolyp, temperatýra joǵarylaıdy dep boljanyp otyr.

Naýryzdyń úshinshi onkúndiginde batys óńirlerdi eseptemegende, Qazaqstannyń basym bóliginde qar, burqasyn, ekpindi jel kútiledi. «Qazgıdrome» mamandarynyń baǵalaýy boıynsha naýryzdyń sońyna qaraı aýa temperatýrasynyń fony kóterilip, bul qardyń qarqyndy erýine jáne sý basý qaýpine ákeledi.

Sonymen qatar Reseıge shekaralas aımaqtarǵa, atap aıtqanda, Jaıyq ózeni men onyń salalaryna, Tobyldyń alaptaryna erekshe nazar aýdarý qajet. Qazir Orynbor jáne Chelıabi oblystarynda, sondaı-aq Bashqurtstan Respýblıkasynda jınalǵan qar kólemine baılanysty qolaısyz sý tasqyny jaǵdaıy qalyptasty», – dedi Saırov. Onyń aıtýynsha, gıdrologııalyq monıtorıng 377 gıdrologııalyq bekette júrgiziledi.