سۋ قويمالارىنداعى احۋال باقىلاۋدا

شتاتتىق رەجىمدە جۇمىس ىستەپ تۇر. بۇزىلۋ قاۋپى جوق. تەحنيكالىق جاعدايى قاناعاتتانارلىق, – دەدى سۋ رەسۋرستارى جانە يرريگاتسيا مينيسترلىگى. دەگەنمەن تاسقىن قاۋپى ءالى سەيىلگەن جوق. اسىرەسە پەتروپاۆلداعى احۋال كۇردەلى. ەسىل وزەنىندەگى سۋ دەڭگەيى تاۋلىك ىشىندە ءبىر مەترگە كوتەرىلىپ, 1200 سم-گە جەتتى. ال اقتوبە, شىعىس قازاقستان, قاراعاندى, قوستاناي مەن اباي وبلىستارىنداعى سۋ قويمالارداعى جاعداي تۇراقتى. ءمولدىر ابدۋاليەۆا, سۋ رەسۋرستارى جانە يرريگاتسيا مينيسترلىگىنىڭ رەسمي وكىلى: — شىعىس قازاقستان وبلىسىندا ەكى ءىرى سۋ قويماسى بويىنشا ورتاشا سۋ جيناۋ كورسەتكىشى – 80%. «اباي وبلىسىندا ءشۇلبى سۋ قويماسى 89%-كە تولدى. وڭىردە سۋ تاسقىنى جالعاسىپ جاتىر. ءشۇلبى سۋ قويماسىنا اعىنداردىڭ ۇلعايۋىنا بايلانىستى تابيعات قورعاۋ ءىس-شارالارى اياسىندا سۋ جىبەرۋ جۇمىسى جۇرگىزىلىپ جاتىر.

جالپى ەرتىس كاسكادىنىڭ سۋ قويمالارى شتاتتىق كەستەگە ساي جۇمىس ىستەپ تۇر. باتىس قازاقستان وبلىسىندا 4 ءىرى سۋ قويماسىنىڭ ورتاشا سۋ جيناۋى – 74%. يرەكلى سۋ قويماسىنان جىبەرىلگەن سۋ ءالى قازاقستان شەكاراسىنا جەتكەن جوق. بۇعان قاتىستى بولجام وزگەرمەدى. بۇل سۋ 16-17 ساۋىردە كەلەدى دەپ كۇتىلىپ وتىر.