Sý sporty federaııasynda jańa basshy

Foto:mınıstrlik

Týrızm jáne sport mınıstri Erbol Myrzabosynovtyń qatysýymen ótken Qazaqstan sý sporty túrleri federaııasynyń byltyrǵy maýsymdy qorytyndylaý jáne jańa maýsymǵa daıyndyq jıynynda federaııanyń jańa prezıdenti saılandy, – dep habarlaıdy  qandastar.kz vedomstvonyń baspasóz qyzmetine silteme jasap.

Is-sharaǵa federaııa basshylyǵy, oblystyq federaııa basshylary, sportshylar men federaııa ókilderi qatysty.

Jıynda federaııa prezıdenti Andreı Krıýkov óz qyzmetin merziminen buryn toqtatatynyn málimdedi. Onyń ornyna federaııa prezıdenttigine «Samuryq-Qazyna» ulttyq ál-aýqat qory» AQ basqarma tóraǵasy Nurlan Jaqypovtyń kandıdatýrasy usynylyp, jıynǵa qatysýshylar, onyń ishinde oblystyq federaııa basshylary men sport qaýymdastyǵy ókilderi biraýyzdan qoldady.

Mınıstr Erbol Myrzabosynov 2019 jyldan beri federaııany basqarǵan Andreı Krıýkovke atqarǵan jumysy úshin alǵys bildirip, Nurlan Jaqypovtyń jańa qyzmetine sáttilik tiledi.

«Týrızm jáne sport mınıstrligi atynan Andreı Krıýkovke eldegi sý sporty túrleriniń damýyna qosqan úlesi úshin rızashylyǵymdy bildiremin. Sý sporty – Qazaqstandaǵy eń tanymal sport túrleriniń biri. Búginde 120 myńnan astam adam osy sport túrimen aınalysady. Ulttyq quramanyń halyqaralyq arenadaǵy jetistikteri osy sporttyń el ishinde keńinen tanymal bolýyna yqpal etti. Dmıtrıı Balandınniń 2016 jylǵy Rıo Olımpıadasyndaǵy tarıhı jeńisi jáne byltyrǵy álem chempıonatynda kórkem júzýden Edýard Kım men Nargıza Bolatovanyń jeńisi – sý sportynyń elimizdegi áleýetiniń joǵary ekenin dáleldedi. Federaııanyń jańa basshylyǵy bul jetistikterdi odan ári nyǵaıtyp, jańa belesterge jetedi dep senemin», – dedi mınıstr.

Jıyn sońynda Erbol Myrzabosynov Nurlan Jaqypovqa elimizdegi sý sporty túrleriniń halyqaralyq yntymaqtastyǵyn arttyrýǵa, sportshylardyń daıyndyq deńgeıin jaqsartýǵa jáne sporttyq rezervti daıarlaýǵa erekshe kóńil bóletinine senim bildirdi.

Sondaı-aq federaııa vıe-prezıdenti bolyp, «Samuryq-Qazyna» ulttyq ál-aýqat qory» AQ ekonomıka jáne qarjy jónindegi teń basqarýshy dırektory Mırat Maratuly О́tepov saılandy.

Aıta keteıik, Qazaqstan sý sporty túrleri federaııasy 1998 jyly qurylǵan. Onyń quramyna júzý, sý doby, kórkem júzý, sýǵa sekirý jáne ashyq sýda júzý kiredi.