جاڭالىقتار
سۋ تاسقىنى: 35 مىڭ تۇرعىن ۇيىنە ورالدى
سۋ تاسقىنى كەزىندە اۋىلىنان الىستاۋعا ءماجبۇر بولعان 35 مىڭ تۇرعىن باسپاناسىنا ورالدى. الايدا 8 مىڭنان اسا ازامات ءالى ەۆاكۋاتسيالىق پۋنكتتى پانالاۋعا ءماجبۇر. ەل بويىنشا قارعىنعا قارسى جۇمىستارعا 25 مىڭنان استام ادام, 3 مىڭ تەحنيكا جانە 14 اۋە كەمەسى جۇمىلدىلىردى.
توتەنشە جاعدايلار مينيسترلىگىنىڭ مالىمەتىنشە, باتىس قازاقستان وبلىسىندا جاعداي تۇراقتالدى. ال اتىراۋداعى جايىق وزەنىنە مونيتورينگى جالعاسۋدا. سوڭعى ۋاقىتتا سۋدىڭ دەڭگەيى كوتەرىلگەنى بايقالادى. اسقار ءشارىپ, قر توتەنشە جاعدايلار مينيسترلىگىنىڭ وكىلى& — سۋ تاسقىنىنان قورعاۋ ماقساتىندا اتىراۋ قالاسىندا بوگەتتەردى نىعايتۋ جۇمىستارى ۇزدىكسىز جۇرگىزىلىپ جاتىر. بۇگىنگى تاڭدا ۇزىندىعى 240 كم قورعانىس بوگەتتەرىن نىعايتۋ جۇرگىزىلدى. بۇعان دەيىن كومەككە كەلگەن كۇشتەر مەن قۇرالدار ۋچاسكەلەرگە ءبولىنىپ, قاجەتتى جۇمىستاردى اتقارۋدا. سولتۇستىك قازاقستان, اتىراۋ جانە اقتوبە وبلىستارىندا 6 082 تۇرعىن ءۇي مەن 2 584 اۋلا اۋماعىنان سۋدىڭ باعىتى بۇرىلىپ, سۋ سورىلدى.
