جاڭالىقتار
سۋ تاسقىنى: 37 مىڭ ادام ۇيىنە ورالدى
![](https://qandastar.kz/wp-content/uploads/2024/04/IMG_5336-2-780x405.jpeg)
وزەننىڭ سۋ دەڭگەيى مەن جايىلمالارىنا ءجىتى مونيتورينگ جۇرگىزىلەدى. جاعالاۋدىڭ قاۋىپتى ۋچاسكەلەرىندە بوگەتتەر نىعايتىلدى. ەل بويىنشا تابيعي اپات كەزىندە ەۆاكۋاتسيالانعان ادامداردىڭ 37 مىڭنان استامى ۇيلەرىنە قايتا ورالدى.
اۆاريالىق-قۇتقارۋ جۇمىستارىنا قازىر 21 مىڭ ادام, 2 مىڭ تەحنيكا مەن 8 اۋە كەمەسى جۇمىلدىرىلعان. اسقار ءشارىپ, قر تجم وكىلى: – 1,5 ملن توننادان استام ينەرتتى ماتەريال توسەلگەن. وڭىرلەردە رەسپۋبليكالىق جانە وبلىستىق جەدەل شتابتار ءوز جۇمىسىن جالعاستىرىپ جاتىر. جالپى ازاماتتىق قورعاۋ قىزمەتكەرلەرىمەن اتىراۋ, اقتوبە, اقمولا, باتىس جانە سولتۇستىك قازاقستان وبلىستارىندا سۋ تاسقىنىنا قارسى شارالار, سۋ تاسقىنى سالدارىن جويۋ جانە حالىققا كومەك كورسەتۋ جۇمىستارى قارقىندى تۇردە جۇرگىزىلىپ جاتىر.