سۋ تاسقىنى: استانا جاستارى يگى ىسكە اتسالىستى

وڭىرىنە بۇگىن تاعى 20 توننادان استام گۋمانيتارلىق كومەك جىبەرىلدى

يگى ىسكە «استانا جاستارى» جاستار رەسۋرستىق ورتالىعى مەن  قالالىق ەكونوميكالىق تەرگەپ-تەكسەرۋ دەپارتامەنتى مۇرىندىق بولدى. ۆولونتەرلەر ءۇشىن قازىر قاربالاس شاق. مىنا قاپ-قاپ جۇكتى جەكە-جەكە سۇرىپتاپ, تاسقىننان زارداپ شەككەن وڭىرلەرگە جەدەل جونەلتۋ كەرەك.

ونى «استانا جاستارى» رەسۋرستىق ورتالىعىنىڭ ەرىكتىلەرى اتقارادى. 500-دەن اسا قىز-جىگىت قالانىڭ 9 ايماعىندا جىلۋ جيناۋ جۇمىستارىنا جۇمىلدىرىلدى. ايزات ءالي, «استانا جاستارى» جاستار رەسۋرستىق ورتالىعىنىڭ مامانى: — قوستاناي وبلىسىنا جىبەردىك, قاراعاندى وبلىسىنا كەشە 2 گازەل جىبەردىك. تاعى دا اقتوبە وبلىسىنا جىبەردىك. بۇگىن تاعى ەكى گازەل دايىندالىپ جاتىر. كوبىنەسە كيىلگەن كيىمدەردى اكەلىپ جاتىر. ءبىز ونداي كيىمدەردى سۇرىپتاپ جاتىرمىز, بىراق سوندا دا كوپ اكەلمەسە.

نەگىزى كەرەك زاتتار – ول ازىق-ت ۇلىك جانە گيگيەنالىق زاتتار. «كوپ تۇكىرسە – كول» دەگەن. ەرىكتىلەر وسى كەزگە دەيىن 600 توننادان اسا گۋمانيتارلىق كومەك جيناعان. بۇگىن دە ازىق-ت ۇلىك, توسەك-ورىن تيەلگەن كەزەكتى جۇك كولىكتەرى قوستاناي وڭىرىنە اتتانادى. اسانعازى سەرعازى ۇلى, استانا ق. ەكونوميكالىق تەرگەپ-تەكسەرۋ دەپارتامەنتىنىڭ اسا ماڭىزدى ىستەر جونىندەگى جەدەل ۋاكىلى: — ءبارىمىز بىرگە جينالىپ, استانا جاستارىمەن بىرىگە وتىرىپ, سۋ تاسقىنىنان زاداپ شەگىپ وتىرعان ءوزىمىزدىڭ باۋىرلاستارىمىزعا مۇمكىندىگىمىزشە تاماقتاردى جيناپ, وتكىزىپ جىبەرىپ جاتىرمىز. بۇل «ءبىز بىرگەمىز» دەگەن سياقتى قازاق حالقىنىڭ ءبىر-بىرىنە جانىنىڭ اشۋى جانە ارقاشان كومەك كورسەتۋگە دايىن ەكەنىن ايتقىمىز كەلەدى. يگى ىستەن مەشىتتەر مەن جەكە كاسىپكەرلەر دە شەت قالماعان. ولار دا جاستاردىڭ يگى باستاماسىن قولداپ, ەل-جۇرتقا كومەك قولىن سوزىپ جاتىر.