SÝ TASQYNY. QULSARY QURSAÝDA QALA MA?

Atyraý oblysynda Jem ózeniniń deńgeıi kóterilip, arnasynan asyp jatyr. Osyǵan baılanysty Jylyoı aýdanynda jaǵdaı kúrdelendi. Biz qazir Jylyoı aýdanynyń ortalyǵy Qulsary qalasyndamyz.

66 myńǵa jýyq turǵyny bar Qulsary qalasymen Qursaı ózegi ótedi. Jem ózenine bıyl mol sý kelip, qazir Qursaı ózeginiń arnasy toldy. Tipti keı jerde arnasynan asyp ketip jatyr. Sondyqtan aýdandyq shtab 2-aýyl jáne 3-aýyl yqshamaýdandarynyń turǵyndaryn evakýaııalaýǵa sheshim shyǵarǵan. Qazir 7 evakýaııalyq oryn ázir. BatysTehInvest mekemesiniń avtobýstary turǵyndardy qaýipsiz jerge tasymaldap jatyr. Qala turǵyndary, tótenshe jaǵdaılar bóliminiń qyzmetkerleri, sarbazdar jaǵa bekitý jumystarymen úzdiksiz, kúndiz-túni aınalysyp jatyr.

Jergilikti kásipkerler de jumysshylarǵa ystyq tamaq tasyp, qol ushyn sozyp jatyr. Saqtyqta qorlyq joq qazir, mine aýdandyq ákimdiktiń aldynda da avtobýstar qoıylǵan. Turǵyndardy qaýipsiz aımaqqa kóshirýge ázir. Teńiz ken ornynda jumys isteıtin aýdan turǵyndary 5 kúnge aqysy saqtalatyn demalysqa jiberilip, qazir jaǵa bekitý jumystaryna jumyldyryldy. Aýdan boıynsha 16 qaýipti aımaq belgilengen. Ol jerlerde bógetterdi nyǵaıtý jumystary toqtaýsyz júrip jatyr. Qursaı ózegine sý basý qaýpi tóngendikten bógetterdi nyǵaıtý jumystaryna polıııa, tótenshe jaǵdaılar qyzmeti jáne áskerı bólimnen 321 qyzmetker jumylǵan. Aýyl turǵyndary men eriktilerden 4030 adam kómekke keldi. 121 tehnıka jumys istep jatyr. Aýyl turǵyndary jáne Tótenshe jaǵdaılar qyzmetiniń kúshimen 7 myńǵa tarta bas mal qaýipsiz jerge kóshirildi.