سۋ تاسقىنى, قۇرعاقشىلىق جانە ءورت: الەم بويىنشا ازىق-ت ۇلىك باعاسى وسپەك

فوتو: Pixabay.com

توعىز نەگىزگى تاۋاردى قامتيتىن Bloomberg اۋىلشارۋاشىلىق سپوت يندەكسى اي سايىن شامامەن 7% ارتىپ كەلەدى. بۇل – 2022 جىلدىڭ باسىنان بەرگى ەڭ جوعارى كورسەتكىش. بۇل تۋرالى Stan.kz اقپارات اگەنتتىگى حابارلايدى.

برازيليا, ۆەتنام جانە اۋستراليادا سۋ تاسقىنى مەن توتەنشە قۇرعاق اۋا رايىنا بايلانىستى قانت, استىق جانە كوفە وندىرىسىنە قاۋىپ ءتونىپ تۇر.

چيكاگو بيداي فيۋچەرسى قىركۇيەكتە قولايسىز اۋا رايى قاۋپىنەن كۇرت كوتەرىلدى.

سويا فيۋچەرسى ەكى جىلداعى ەڭ ۇلكەن ايلىق ءوسىمدى جاريالاماق. ويتكەنى جەتەكشى ءوندىرۋشى برازيليا قۇرعاقشىلىقپەن كۇرەسىپ جاتىر. سونىمەن قاتار قانت قامىسى القاپتارىندا شىققان ءورت فيۋچەرستىڭ 17% وسۋىنە ىقپال ەتتى.

ارابيكا كوفەسىنىڭ باعاسى بيىل 2011 جىلدان بەرى ەڭ جوعارى دەڭگەيگە ءوستى. ارزانىراق Robusta كوفەسى دە اۋا رايىنىڭ قولايسىزدىعىنان قىمباتتادى.

سونىمەن قاتار وڭتۇستىك-شىعىس ازيا ەلدەرىندە پالما مايىنىڭ جەتكىزىلىمى ازايىپ كەلەدى. وعان اعاشتاردىڭ قارتايۋى اسەر ەتەدى. ناتيجەسىندە فيۋچەرستەر بەس ايداعى ەڭ جوعارى دەڭگەيگە جەتتى.

مامىردىڭ سوڭىندا ازىق-ت ۇلىك باعاسىنىڭ الەمدىك يندەكسى ءساۋىر ايىنداعى كورسەتكىشپەن سالىستىرعاندا شامامەن 1% ءوسىپ, 120,4 تارماق بولدى.