Sý tasqyny, qurǵaqshylyq jáne órt: Álem boıynsha azyq-túlik baǵasy óspek

Foto: Pixabay.com

Toǵyz negizgi taýardy qamtıtyn Bloomberg aýylsharýashylyq spot ındeksi aı saıyn shamamen 7% artyp keledi. Bul – 2022 jyldyń basynan bergi eń joǵary kórsetkish. Bul týraly Stan.kz aqparat agenttigi habarlaıdy.

Brazılııa, Vetnam jáne Aýstralııada sý tasqyny men tótenshe qurǵaq aýa raıyna baılanysty qant, astyq jáne kofe óndirisine qaýip tónip tur.

Chıkago bıdaı fıýchersi qyrkúıekte qolaısyz aýa raıy qaýpinen kúrt kóterildi.

Soıa fıýchersi eki jyldaǵy eń úlken aılyq ósimdi jarııalamaq. О́ıtkeni jetekshi óndirýshi Brazılııa qurǵaqshylyqpen kúresip jatyr. Sonymen qatar qant qamysy alqaptarynda shyqqan órt fıýcherstiń 17% ósýine yqpal etti.

Arabıka kofesiniń baǵasy bıyl 2011 jyldan beri eń joǵary deńgeıge ósti. Arzanyraq Robusta kofesi de aýa raıynyń qolaısyzdyǵynan qymbattady.

Sonymen qatar Ońtústik-Shyǵys Azııa elderinde palma maıynyń jetkizilimi azaıyp keledi. Oǵan aǵashtardyń qartaıýy áser etedi. Nátıjesinde fıýcherster bes aıdaǵy eń joǵary deńgeıge jetti.

Mamyrdyń sońynda azyq-túlik baǵasynyń álemdik ındeksi sáýir aıyndaǵy kórsetkishpen salystyrǵanda shamamen 1% ósip, 120,4 tarmaq boldy.