Sý tasqyny: óńirlerde 72 029 adam qaýipsiz jerge kóshirildi

«Qazirgi ýaqytta Atyraý, Aqtóbe, Aqmola, Qostanaı, BQO jáne SQO-da 3686 jeke turǵyn úı, 550 aýla aýmaǵy jáne 1822 saıajaı úılerin sý astynda qaldy. Sý tasqyny bastalǵaly beri 72 029 adam, onyń ishinde 16078 bala qaýipsiz jerlerge jetkizildi. Ýaqytsha ornalasý pýnkterinde 14 368 adam onyń ishinde 7255 bala ornalastyryldy. Tótenshe jaǵdaılar mınıstrligi, Qorǵanys mınıstrligi jáne Ulttyq ulan áýe kemeleri qutqarý jumystaryn jalǵastyrýda», — dedi Qaharman Orazalın Ortalyq kommýnıkaııalar qyzmeti alańynda ótken baspasóz máslıhatynda.