SÝ TASQYNY. ShYMKENT DAIYNDYQ ÚSTINDE

Shymkentte sý tasqynyn aldyn alý jumystary kúsheıtildi. Sınoptıkterdiń boljamynsha, sáýir aıy jaýyn-shashyndy bolady.

Osyǵan oraı Tótenshe jaǵdaılar departamentiniń ókilderi daıyndyqty pysyqtap, ózender men kanaldardy baqylaýǵa shyqty. Al jaıly ortany damytý basqarmasynyń mamandary ırrıgaııalyq júıelerdiń jaı-kúıin tekserip júr. Shymkentte sáýir aıynyń alǵashqy onkúndiginde jaýyn-shashyn mol jaýdy. Tótenshe jaǵdaılar departamentiniń ókilderi 4 ózen men 9-dan asa kanalǵa tikushaqpen barlaý jasady. Sý deńgeıi kóterilgenimen, tasqyn qaýpi joq deıdi olar.

Irısmat Mahmýdov, qalalyq TJD bólim bastyǵy: – Túrkistan oblysynyń taýly aımaqtarynda qardyń qory búgingi tańda 29 sm. Bul boıynsha norma 64 sm. Jalpy sý tasqyny jaǵdaılary turaqty baqylaýda. Sý tasqyny kezinde jeke quram, azamattyq qorǵaýdyń kishi júıesi joǵary daıyndyqqa keltirilgen. Qala aýmaǵyndaǵy sý saqtaýǵa arnalǵan Badam, Toǵys, Tekesý, Aqjar qoımalarynda sý deńgeıi qalypty. Shamamen 89 paıyz. Al Abdýllabad, Bazarqaqpa turǵyn alaptarynda saı-saladan aqqan sýdan qaýip bar. Sondyqtan jergilikti ákimdik ókilderi arnaıy kanaldar qazyp, tasqynǵa tosqyn bolar jumystardy kúsheıtti. Meırambek Orazymbet, qalalyq jaıly ortany damytý basqarmasynyń bólim basshysy: – Sý tasqyny kezeńine daıyndyq boıynsha kanaldar jáne ózen arnalaryn túzetý men mehanıkalaý, ırrıgaııalyq júıelerdi tazalaý jumystary júrgizildi. Al uzyndyǵy 45 shaqyrym bolatyn Badam ózeniniń boıynda qaýipti 6 ýchaske bar. Jyldan jylǵa ózen arnasy keńeıip, júzdegen úıdiń aýlasy tarylyp barady. Sondyqtan ózen jaǵalaýyn nyǵaıtý jumystary bastaldy. Budan bylaı Badam ózeniniń boıynda jyl boıy qurylys júredi. Merdigerler asaý aǵystyń arnasyn buryp, jaǵalaýyn betonmen bekitýge kiristi. Áıtpegende jaǵalaı ornalasqan turǵyn úı sektoryn sý basý qaýpi kúsheıip barady. Aýqymdy jobaǵa jergilikti bıýdjetten 5 mıllıardtan astam qarajat bólindi.

Jospar boıynsha Maıatas, Toǵys, Qyzyljar, Igilik jáne Táýelsizdikke 20 jyl turǵyn alabynan ótetin ózenniń 9 shaqyrymy jóndeledi. Dese de qurylysqa qubylmaly aýa-raıy qolbaılaý bolyp tur. Qapbar Esenov, merdiger mekeme ókili: – Qazirgi kezde bir aıdyń 15 kúninde jumys istesek, 15 kúninde jumys isteı almaı jatyrmyz. О́ıtkeni jańbyr bolǵan ýaqytta eshqandaı tehnıka júre almaı qalady. Aǵysy óte qatty. 1 saǵattyń ishinde kóteriledi de 1 saǵattan keıin qaıta tómen túsedi. Sonyń saldary kórsetip jatyr. Kóterip qoıǵan dambymyzdyń ózi shaıylyp ketip jatyr. Qaıtadan qalpyna keltirip, istep jatyrmyz. Sonymen qatar, qaladaǵy Aqjar sý qoımasy da kúrdeli jóndeýdi qajet etedi. 80-jyldary salynǵan gıdrotehnıkalyq nysannyń jaǵdaıy kóńil kónshitpeıdi. Sarapshylardyń zertteýinen keıin sý qoımasyna osyndaı baǵa berildi. Ázirge bıýdjetten qurylystyń jobalaý qujattamasyna qarajat bólinip otyr.