سۋ تاسقىنىنان زارداپ شەككەن 717 وتباسىنا جاڭا ءۇي مەن پاتەر بەرىلدى

بۇگىنگە دەيىن 31 552 وتباسى 100 اەك مولشەرىندە بىرجولعى تولەم الدى. 717 وتباسى قيراعان باسپاناسىنىڭ ورنىنا جاڭا ءۇي مەن پاتەرگە يە بولدى.

ماسەلەن, قوستاناي وبلىسىنىڭ تۇرعىندارىنا 298 باسپانا ۇسىنىلسا, اقمولا وبلىسىندا — 85, اقتوبە وبلىسىندا — 121, سولتۇستىك قازاقستان وبلىسىندا — 135, باتىس قازاقستان وبلىسىندا — 70, قاراعاندى وبلىسىندا — 6, پاۆلودار وبلىسىندا — 2 جاڭا باسپانا بەرىلدى. زارداپ شەككەن تۇرعىندارعا ارناپ شامامەن 1 862 جاڭا ءۇي سالىنىپ جاتىر. 3 981 وتباسى تۇرعىن ءۇيىن جوندەۋگە جانە قالپىنا كەلتىرۋگە وتەماقى الدى.

5 066 وتباسىنا جوعالعان اسا قاجەتتى دۇنيە-مۇلكىن ساتىپ الۋ ءۇشىن 150 اەك مولشەرىندە قوسىمشا كومەك كورسەتىلدى. زارداپ شەككەن 34 شاعىن جانە ورتا بيزنەس سۋبەكتىسىنىڭ 377 ملن تەڭگە شىعىنى وتەلدى.