Sý tasqynynan zardap shekken 717 otbasyna jańa úı men páter berildi

Búginge deıin 31 552 otbasy 100 AEK mólsherinde birjolǵy tólem aldy. 717 otbasy qıraǵan baspanasynyń ornyna jańa úı men páterge ıe boldy.

Máselen, Qostanaı oblysynyń turǵyndaryna 298 baspana usynylsa, Aqmola oblysynda — 85, Aqtóbe oblysynda — 121, Soltústik Qazaqstan oblysynda — 135, Batys Qazaqstan oblysynda — 70, Qaraǵandy oblysynda — 6, Pavlodar oblysynda — 2 jańa baspana berildi. Zardap shekken turǵyndarǵa arnap shamamen 1 862 jańa úı salynyp jatyr. 3 981 otbasy turǵyn úıin jóndeýge jáne qalpyna keltirýge ótemaqy aldy.

5 066 otbasyna joǵalǵan asa qajetti dúnıe-múlkin satyp alý úshin 150 AEK mólsherinde qosymsha kómek kórsetildi. Zardap shekken 34 shaǵyn jáne orta bıznes sýbektisiniń 377 mln teńge shyǵyny óteldi.