جاڭالىقتار
سۋ تاسقىنىندا بوگەت سالۋعا كومەكتەسكەن ءيتتى اتىپ تاستادى
فوتو: سكرين
اتىراۋ وبلىسىنىڭ ۆەتەريناريا باسقارماسى مەن اۋىل شارۋاشىلىعى باسقارماسى قازنەتتىڭ جۇلدىزى بولعان پشون ەسىمدى ءيتتىڭ ولتىرىلۋىنە قاتىستى پىكىر ءبىلدىردى, دەپ جازدى qandastar.kz
28 قاراشا كۇنى اتىراۋ وبلىسىنىڭ ماحامبەت اۋدانىندا جەرگىلىكتى ۆەتەرينارلىق بەكەتتىڭ مال دارىگەرىنە ۇيلەردىڭ ءبىرىنىڭ تۇرعىنىنان اۋلادا ءۇش بوتەن ءيتتىڭ بولۋىنا بايلانىستى ۇيگە كىرۋ مۇمكىن ەمەستىگى تۋرالى ءوتىنىش تۇسكەن.
وقيعا ورنىنا كەلگەن مال دارىگەرى يتتەردى دارتپەن اتۋ ارقىلى ۋاقىتشا ەۆتانيزاتسيالاۋ پروتسەدۋراسىن جاساعان.
ەكى يت ەۆتانيزاتسيالاندى, ءۇشىنشى يت جەبە قاعىپ, وزەنگە قاراي قاشىپ كەتتى جانە تۇسىنىكسىز جاعدايدا ءولىم قۇشتى.
پروكۋراتۋرا مەن ۋچاسكەلىك پوليتسيا ۆەتەرينارلىق بەكەت قىزمەتكەرىنىڭ ارەكەتىنىڭ زاڭدىلىعىن زەرتتەپ جاتىر.
