سۋديا گۇلميرا ساتىبالدىنىڭ «جانكۇيەرلەرىنە» ەسكەرتۋ جاسادى

سۋديا سوتقا قاتىسىپ وتىرعان گۇلميرا ساتىبالدىنىڭ تۋىستارىنا ەسكەرتۋ جاسادى,-دەپ حابارلايدى Qandastar.kz

الماتىنىڭ قىلمىستىق سوتى گۇلميرا ساتىبالدانىڭ بيزنەس سەرىكتەسىن بوپسالادى جانە قاماپ ۇستادى دەگەن ايىپپەن ءىستى قاراۋدى جالعاستىرىپ جاتىر. سوت بارىسىندا زارداپ شەككەن كاسىپكەردىڭ ادۆوكاتى جابىرلەنۋشى ساتىبالدىمەن بىرگە يەلىك ەتەتىن سەرىكتەستىكتىڭ كادرلار ءبولىمىنىڭ باسشىسىنا سۇراقتار قويدى. ادۆوكات سوتتالۋشىنىڭ كومپانيادا بولعان كومەكشىلەرى تۋرالى سۇراقتى بىرنەشە رەت قايتالادى.

«مەن نارازىلىق بىلدىرەمىن, ول ادامداردى شاقىرۋ كەرەك, ولارعا سۇراق قويۋ كەرەك. بۇل وعان قاتىستى ەمەس. ءسىزدى سوتتا ءۇشىنشى رەت كوردىم. ءوز قۇزىرەتىڭىزدى ۇستانىڭىز, وتىنەمىن», – دەپ ساتىبالدى كۇتپەگەن جەردەن جابىرلەنۋشىنىڭ ادۆوكاتىنا جۇگىندى.

ايىپتالۋشىنىڭ قورعاۋشىلارى ادۆوكاتتىڭ ءبىر سۇراقتاردى قايتالاي بەرەتىنىن ءتۇسىندىردى. وسى كەزدە ارتقى قاتاردا زالدا وتىرعانداردىڭ داۋىسى ەستىلدى.

«قۇرمەتتى سوت, ەسكەرتۋ بەرىڭىزشى! بىرەۋى ۇيىقتاپ, قۇلاپ وتىر (بۇعان دەيىن ءبىر ەر ادام ورىندىقتان قۇلاعان – ەسك.), ءتارتىپ بۇزادى, ەكىنشىسى اشۋلانىپ, ءوز پىكىرىن قوسىپ وتىر. ولاردى سوت زالىنان شىعارۋدى سۇرايمىن, ولار كەدەرگى جاسايدى, نەمەسە ەسكەرتۋ جاساڭىز. ولار قاتتى سويلەپ وتىر», – دەپ جابىرلەنۋشىنىڭ ادۆوكاتى سۋدياعا جۇگىندى.

سۋديا ادۆوكاتتىڭ ەسكەرتۋىنە كەلىستى.

«بۇل اشىق پروتسەسس, بىراق بۇل ءتارتىپتى بۇزۋعا بولادى دەگەندى بىلدىرمەيدى. قازىر سول جەردە وتىرعان ازاماتتارعا, جانكۇيەرلەرگە (سوتتالۋشىنى قولدايتىن ادامدارعا – ەسك.) ايتىپ تۇرمىن. تاعى دا ايتامىن: ءتارتىپتى بۇزباۋ وزدەرىڭىز ءۇشىن كەرەك. ەگەر قورعاۋشى تاراپتان شاعىم تۇسسە, شارا قولدانامىن, بارلىق تۋىستاردى سوت زالىنان شىعارامىن, بۇل بوس ءسوز ەمەس, مەن زاڭدى وقىپ وتىرمىن», — دەدى سۋديا مارتپەك كاكىمجانوۆ.