Sýdıa Gúlmıra Satybaldynyń «jankúıerlerine» eskertý jasady

Sýdıa sotqa qatysyp otyrǵan Gúlmıra Satybaldynyń týystaryna eskertý jasady,-dep habarlaıdy Qandastar.kz

Almatynyń qylmystyq soty Gúlmıra Satybaldanyń bıznes seriktesin bopsalady jáne qamap ustady degen aıyppen isti qaraýdy jalǵastyryp jatyr. Sot barysynda zardap shekken kásipkerdiń advokaty jábirlenýshi Satybaldymen birge ıelik etetin seriktestiktiń kadrlar bóliminiń basshysyna suraqtar qoıdy. Advokat sottalýshynyń kompanııada bolǵan kómekshileri týraly suraqty birneshe ret qaıtalady.

«Men narazylyq bildiremin, ol adamdardy shaqyrý kerek, olarǵa suraq qoıý kerek. Bul oǵan qatysty emes. Sizdi sotta úshinshi ret kórdim. О́z quziretińizdi ustanyńyz, ótinemin», – dep Satybaldy kútpegen jerden jábirlenýshiniń advokatyna júgindi.

Aıyptalýshynyń qorǵaýshylary advokattyń bir suraqtardy qaıtalaı beretinin túsindirdi. Osy kezde artqy qatarda zalda otyrǵandardyń daýysy estildi.

«Qurmetti sot, eskertý berińizshi! Bireýi uıyqtap, qulap otyr (buǵan deıin bir er adam oryndyqtan qulaǵan – esk.), tártip buzady, ekinshisi ashýlanyp, óz pikirin qosyp otyr. Olardy sot zalynan shyǵarýdy suraımyn, olar kedergi jasaıdy, nemese eskertý jasańyz. Olar qatty sóılep otyr», – dep jábirlenýshiniń advokaty sýdıaǵa júgindi.

Sýdıa advokattyń eskertýine kelisti.

«Bul ashyq proess, biraq bul tártipti buzýǵa bolady degendi bildirmeıdi. Qazir sol jerde otyrǵan azamattarǵa, jankúıerlerge (sottalýshyny qoldaıtyn adamdarǵa – esk.) aıtyp turmyn. Taǵy da aıtamyn: tártipti buzbaý ózderińiz úshin kerek. Eger qorǵaýshy taraptan shaǵym tússe, shara qoldanamyn, barlyq týystardy sot zalynan shyǵaramyn, bul bos sóz emes, men zańdy oqyp otyrmyn», — dedi sýdıa Mártpek Kákimjanov.