Sýdıa Sherzat ólimi boıynsha sot otyrysyn synaǵan blogerlerge eskertý jasady

Efırden skrınshot

Sherzat Polattyń ólimine qatysty sot otyrysy jalǵasyp jatyr. Sýdıa Erjan Januzaqov sot otyrysy týraly pikir bildirip, quqyqtyq baǵa bergen blogerlerge eskertý jasady. Bul týraly Stan.kz aqparat agenttigi habarlaıdy.

Sýdıa sot otyrysyn eskertýden bastady. Sózinshe, iske múldem qatysy joq tulǵalar sot talqylaýy men tergeýge qatysty jeke pikirin bildirip, sýbektıvti baǵa berýge quqyǵy joq.

“Konstýııanyń 75-babynyń 1-tarmaǵyna sáıkes, sot tóreligin tek sot iske asyrady. Sot isine qandaı da bir aralasýǵa jol berilmeıdi. Zańdy tártipte ol úshin jaýapkershilik qarastyrylǵan. Úkim zańdy kúshine engenge deıin sot proesin túsindirýge, quqyqtyq baǵa berýge berilmeıdi. Sot bárin jan-jaqty, obektıvti zertteýge mindetti. Isti qaraıtyn sýdıa táýelsiz jáne obektıvti, jeke múddeliligi bolmaýy jáne bireýdiń yqpalyna túspeýi tıis. Ol bárin zań aıasynda sheshedi. Sot tergeý satysynda, qorytyndy úkim shyǵarylǵan joq”, – dedi sýdıa.

Ol úkim shyqqanǵa deıin sýdıaǵa syn aıtýǵa bolmaıtynyn aıtyp eskertý jasady. Sózinshe, bul sýdıaǵa qysym kórsetý dep baǵalanyp, ol úshin jazaǵa tartylýy múmkin.

Bul advokat Djohar О́tebekovke qatysty aıtylsa kerek. Ol buǵan deıin sot proesine qatysty birneshe márte óz baǵasyn bergen edi.

Eske salaıyq, buǵan deıin 6 mamyrda ótken sot otyrysynda aıyptalýshylardyń biri Darhan Áskentaı 4 qazan kúni «Qamajaı» dúkenine syra alýǵa barǵanyn aıtyp, Sherzat Bolattyń ólimine ákelgen tóbeleske qatyspaǵanyn málimdedi. Onyń aıtýynsha, Sherzat kastetpen uryp jiberip, keıin jaǵdaıy nasharlaǵan soń dosy Nurbol Toqtabaıdy shaqyrǵan. Tóbelestiń bastalýyna Qarjaýbaıdyń pyshaqpen shyǵýy jáne Sherzattyń bireýdi urýy sebep boldy deıdi. Darhan tergeý kezinde qysym kórsetilgenin, qorǵaýshysy bolmaǵanyn, sondyqtan shyndyqty endi aıtyp jatqanyn jetkizdi. Ol oqıǵaǵa qatysqan keıbir kúdiktilerdi tanymaıtynyn, eshkimdi urmaǵanyn, tóbeleske aralaspaǵanyn aıtty. Tergeý kezindegi aıyptaýlarmen kelispeıtinin, bul kezdeısoq bolǵan oqıǵa ekenin, tek óz áreketi úshin jaýap berýge daıyn ekenin málimdedi.