«Sýfızm – qazaqtyń qanynda aǵyp jatqan bilim»: Tanymal aqyn ıslamǵa bet burǵanyn aıtty

Foto: malim.kz

Aqyn, jazýshy Aqberen Elgezek ishimdik ishýdi qoıyp, dinge bet burǵanyn aıtty. Onyń sózinshe, ol ıslam dinin tereńdep zertteı bastaǵan, sopylyq ıslamdy qabyldaǵan, dep habarlaıdy qandastar.kz  Skifnews.kz aqparat portalyna silteme jasap. 

Bul týraly aqyn Dulat Tastekey YouTube arnasyna bergen suhbatynda aıtyp berdi.

«Sýfızm bul — ıslam. Kóbisi ony shırk, adamǵa tabynýǵ árýaqqa syıyný dep oılaıdy. Olaı emes, ol bilimsiz adamdardyń oıy. Islamda úsh taǵan bar: ıman, ıslam, ıhsan. Iman men ıslamdy biledi, al ıhsandy eshkim bilmeıdi. Ihsan degen sýfızm. Iman men ıslamda júrgen adamǵa qaraǵanda kemel deńgeıge jetý. Bul — ǵylym. Sopylyqta bes ýaqyt namazymda ótedim, qudaı rıza shyǵar dep júre bermeısiń, ıslamdy zertteıtin adamǵa aınalasyń. Sýfızm qazaqtyń qanynda aǵyp jatqan bilim. Qoja Ahmet Iassaýıden bastap tarqatatyn bolsaq, qansha ǵasyr ótti. Qaı aýylǵa barsań da, áýlıe kóp. Qazaqtyń dalasynda shashyrap jatqan bul ne degen áýlıe?! Bunyń bári sýfızm ustanyp, ıslamdy ustanǵan adamnan áldeqaıda rýhanı bıik deńgeıge jetken adamdar. Olar qudaıdyń súıiktileri», — deıdi ol.

Aqyn sopylardyń Alla aldyndaǵy dárejesi týraly da sóz qozǵady.

«Aщy sýmen at quıryǵyn kesisip, namazǵa jyǵyldym. Sodan keıin ıslam degen ne, zerttep kóreıinshi dedim. Bul — meniń aqylmen tanyǵan dúnıem. Men meshitke baryp, bireýdiń ýaǵyzyn tyńdap kelgen joqpyn. Namaz oqyp, bireýdi aldap, qylmysqa bara berýi múmkin. Al, sopylyqta ondaıǵa barmaıdy. Islamnyń úshinshi taǵany, kemel bolǵandyqtan sen ishki jan dúnıeńde qylýetke kiresiń, ońashalanasyń. Alla Taǵala salǵan tyıymdarǵa jolamaısyń, únemi zikirde júresiń. Qaıda júrseń de Allany oılap júresiń. Sopy adam jaman boldy degen sóz joq», — deıdi aqyn.