Sýǵa batyp ketkenshe qarap turǵan: 7 synyp oqýshysyn óltirgen joǵary synyp balalaryna qandaı jaza beriledi?

Foto: ashyq derekkóz

Atyraý oblysynda belgisiz jaǵdaıda sýǵa batyp qaza tapqan 13 jasar balanyń týystary tergeýdiń ádil júrgizilýin talap etedi, – dep habarlaıdy  qandastar.kz  ulttyq portaly “Informbıýro” jańalyqtar qyzmetine silteme jasap.

Marqumnyń jaqyndary qylmystyq istiń babyn aýystyryp, kúdiktilerdi qamaý kerek dep esepteıdi.

Qaıǵyly oqıǵa tamyz aıynda Jaıyq ózeniniń jaǵasynda bolǵan. Marqumnyń týystary Merlan synyptastarymen ketip, sol kúıi oralmaǵanyn aıtady. Sózderinshe, Merlan Sanany úlken synyptyń balalary Jaıyq ózenine ıterip jibergen. Anargúl Qasantaeva balama qastandyq jasaǵan adamdar jazasyz qalyp otyr deıdi. Onyń ústine tergeýshilerdiń qaıta-qaıta aýysýy kóńiline kúdik uıalatypty.

“Balamdy shaqyryp alyp ketkender jaıbaraqat mýzyka tyńdap otyrdy. Olardan surasam, Monı sýǵa batty dep aıtty. Olar sózdi burmalap sosyn, úıge ketti deı saldy. Jaıyq jaǵasyna barsam balamnyń kıimderi jatyr. Egizdiń syńary bolsa Januzaq sýǵa ıterip jiberdi dedi. Aıqaılaǵan balam qutqaryńdar dep, qutqarmaı qarap turǵan. Batyp ketkeninshe”, – deıdi Anargúl Qasantaeva.

7-synyp oqyǵan ulymyzdyń júze almaıtynyn ári kóziniń nashar kóretinin bilgen úlken synyptaǵy oqýshylar ony qasaqana ıterip jiberdi dep otyr. Bul aqparatty keı synyptastary da rastaǵan kórinedi.

”Ol bala ıtergende sýǵa batyp ketý múmkin ekendigin bilip turyp, biraq ta sony istep tur. Sondyqtan bul janama pıǵylmen 99-bappen dárejeleýge jatady dep oılaımyn. Sebebi janama pıǵyl degendi prokýratýra da, tergeý organdary da umytyp ketti. Jaǵada turǵan Merlandy artynan kelip ıterip jibergen, sýǵa túsirip jibergen. Belinen ıterip, ol týraly kórsetip otyrǵan balalar bar is boıynsha. 4-5 bala bar”, – deıdi jábirlenýshi taraptyń advokaty Maqsat Tólenbaev.

Advokat bul jaıtqa álimjettik sebep degen pikirde. Sondyqtan mektep muǵalimderi men joǵary synyp oqýshylarynan da jaýap alý kerek deıdi. Al polıııa tergeý áli aıaqtalmaǵan dep qysqa qaıyrdy. Qylmystyq iste kúdiktilerdiń bar-joǵy da ázirge belgisiz.

“Jasóspirimniń ólimine qatysty qazirgi ýaqytta QR QK104 babyna sáıkes qylmystyq is tergelýde. Iaǵnı «Abaısyzda qazaǵa ushyratý» deregi boıynsha sot-medıınalyq saraptamasy taǵaıyndaldy. О́zge aqparat tergeý múddesine sáıkes jarııalaýǵa jatpaıdy”, – deıdi Atyraý oblystyq polıııa departamenti aqparattyq saıasat bóliminiń ınspektory Dına Maqsotova.