سۋعا كەتكەن مال شىعىنى وتەلىپ جاتىر

ءتورت ت ۇلىكتىڭ ءتولىن باققان اۋىلداعى اعايىن ءۇشىن سۋ تاسقىنى وڭاي بولماي تۇر. دەگەنمەن مال شىعىنى وتەلەدى. بۇل باعىتتاعى جۇمىستارعا كاسىپكەرلەر دە ءوز ۇلەسىن قوسىپ جاتىر. ماسەلەن, قاراعاندى وبلىسى شەت اۋدانىنىڭ ىسكەر ازاماتتارى بىرىگىپ, سۋعا كەتكەن مال شىعىنىن وتەگەن.

اۋىل شارۋاشىلىعى مينيسترلىگىنىڭ مالىمەتىنشە, شىعىن قازىنا قاراجاتىمەن دە وتەلەدى. شارۋالاردى قولداۋ تەتىكتەرى شيراپ كەلەدى. ماسەلەن, اۋىل شارۋاشىلىعى تەحنيكاسىنا ارنالعان ليزينگ بويىنشا مىندەتتەمەلەردى وتەۋ مەرزىمى دە شەگەرىلەدى. سوۆەتحان اليەۆ, قىزىلجۇلدىز اۋىلىنىڭ تۇرعىنى: — 18 باس مالىم جوق, سونىڭ 10-ىنىڭ ولەكسەسىن تاۋىپ, سول جاڭاعى وتكەندە كەلگەن كوميسسياسى 10-ىنا وتەماقى تولەدى.

تاعى ءبىر 8 باس مالىمنىڭ ءىزى جوق. ەندى شاماسى اعىپ كەتكەن-اۋ دەيمىن. سول 8 باس مالىما ءوتىنىش قابىلداپ الدى, 3 كۋامەن جاڭاعى 8 باس مالعا تاعى وتەماقى تولەنەدى دەپ جاتىر. سوۆەتحان اليەۆ العاشقىلاردىڭ ءبىرى بولىپ سۋعا كەتكەن مالىنىڭ وتەماقىسىن الدى. ارقالىق قالاسىنا قاراستى وسى قىزىلجۇلدىز اۋىلىنان جەرگىلىكتى كوميسسياعا 3 ءوتىنىش ءتۇسىپتى. جالپى قارعىن سۋ باسقان وڭىردەگى 268 مال باسىنا تولەم جۇرگىزىلدى.

سۋعا كەتكەن 900-دەن استام مال باسىنا قۇجات ازىرلەندى. تاقاۋدا يەلەرىنە ءتيىستى وتەماقى بەرىلمەك. ال تىركەلمەگەن نە ولەكسەسى تابىلماعان ت ۇلىككە وتەماقى الۋدىڭ ءوز ءتارتىبى بار. ول ءۇشىن 3 ادام كۋالىك ەتىپ, سونداي مالدىڭ بولعاندىعىن دالەلدەۋى شارت. باۋىرجان بەكەت, وبلىستىق ۆەتەريناريا باسقارماسى باسشىسىنىڭ ورىنباسارى: — 20 ءوتىنىش ءتۇسىپ تۇر. جانكەلدين اۋدانىنان 3 ءوتىنىش, ارقالىقتان 11 ءوتىنىش ءتۇسىپ تۇر. سول وتىنىشەر بويىنشا 938 باسقا قۇجاتتار دايىندالعان. ارنايى بەكىتىلگەن باعالاۋ, سول جاڭاعى شىعىندى باعالايتىن مەكەمە بار, سول مەكەمەگە جىبەرىلدى. ال قاراعاندى وبلىسىنا قاراستى شەت اۋدانىندا ۇزىن سانى 89 باس مال سۋعا كەتتى.

ونىڭ 72-ءسى – ۇساق, 12-ءسى – ءىرى قارا, بەسەۋى – جىلقى. اۋداندىق جەدەل شتاب شىعىن كولەمىن ەسەپتەپ, رەسمي اكتىنى تولتىرعان ساتتەن باستاپ اينالاسى ءبىر اپتا ىشىندە تۇياق شىعىن تۇگەل وتەلدى. ونىسىن اۋدان كاسىپكەرلەرى تولىقتاي ءوز ەسەبىنەن تۇگەندەپ بەرگەن. ورال ىستىباەۆ, شەت اۋدانى اكىمىنىڭ ورىنباسارى: — وسى شەت اۋدانى اۋماعىندا فەرمەرلەردىڭ وداعى بار عوي. وداعىنىڭ باستاماسىمەن, شارۋا قوجالىقتارى جەتەكشىلەرىمەن وداق كوتەرگەن ماسەلەسى قولداۋ تاۋىپ, وسى اۋدان اۋماعىنداعى كاسىپكەرلەر دەسەم بولادى, شارۋاشىلىق قوجالىقتارى ارقىلى وسى 89 باس رەسمي تىركەلگەن اۋىل شارۋاشىلىعى جانۋارلارىنىڭ ورىندارىن تولتىرىپ بەردى. ءيا, وتەماقى قازىنا قاراجاتىنان دا, بيۋدجەتتەن تىس كوزدەردەن دە تارتىلادى. ول ءۇشىن مال يەسى ءتيىستى ءوتىنىشتى جەرگىلىكتى اكىمدىكتەر قۇرعان كوميسسيالارعا عانا بەرۋ قاجەت. ۇكىمەت تاراپىنان وزگە دە قولداۋ تەتىكتەرى قاراستىرىلعان.

ماسەلەن, شارۋالار مەن مال يەلەرى نەسيە جانە ليزينگتىك بويىنشا مىندەتتەمەسىن وتەۋ مەرزىمى كەيىنگە قالدىرىلاتىن بولادى. سونداي-اق كەشىككەن تولەمدەر ءۇشىن ايىپپۇل سالىنبايدى. ايتا كەتەيىك, تاسقىننان زارداپ شەككەندەرگە اۋىل شارۋاشىلىعى مينيسترلىگى جەدەل جەلى قۇرعان. مىنا نومىرلەرگە حابارلاسىپ, شارۋاشىلىقتىڭ شىعىنا قاتىستى ساۋالدارعا جاۋاپ الۋعا بولادى.