SÝǴA KETKEN MAL ShYǴYNY О́TELIP JATYR

Tórt túliktiń tólin baqqan aýyldaǵy aǵaıyn úshin sý tasqyny ońaı bolmaı tur. Degenmen mal shyǵyny óteledi. Bul baǵyttaǵy jumystarǵa kásipkerler de óz úlesin qosyp jatyr. Máselen, Qaraǵandy oblysy Shet aýdanynyń isker azamattary birigip, sýǵa ketken mal shyǵynyn ótegen.

Aýyl sharýashylyǵy mınıstrliginiń málimetinshe, shyǵyn qazyna qarajatymen de óteledi. Sharýalardy qoldaý tetikteri shırap keledi. Máselen, aýyl sharýashylyǵy tehnıkasyna arnalǵan lızıng boıynsha mindettemelerdi óteý merzimi de shegeriledi. Sovethan Álıev, Qyzyljuldyz aýylynyń turǵyny: — 18 bas malym joq, sonyń 10-ynyń óleksesin taýyp, sol jańaǵy ótkende kelgen komıssııasy 10-yna ótemaqy tóledi.

Taǵy bir 8 bas malymnyń izi joq. Endi shamasy aǵyp ketken-aý deımin. Sol 8 bas malyma ótinish qabyldap aldy, 3 kýámen jańaǵy 8 bas malǵa taǵy ótemaqy tólenedi dep jatyr. Sovethan Álıev alǵashqylardyń biri bolyp sýǵa ketken malynyń ótemaqysyn aldy. Arqalyq qalasyna qarasty osy Qyzyljuldyz aýylynan jergilikti komıssııaǵa 3 ótinish túsipti. Jalpy qarǵyn sý basqan óńirdegi 268 mal basyna tólem júrgizildi.

Sýǵa ketken 900-den astam mal basyna qujat ázirlendi. Taqaýda ıelerine tıisti ótemaqy berilmek. Al tirkelmegen ne óleksesi tabylmaǵan túlikke ótemaqy alýdyń óz tártibi bar. Ol úshin 3 adam kýálik etip, sondaı maldyń bolǵandyǵyn dáleldeýi shart. Baýyrjan Beket, oblystyq veterınarııa basqarmasy basshysynyń orynbasary: — 20 ótinish túsip tur. Jankeldın aýdanynan 3 ótinish, Arqalyqtan 11 ótinish túsip tur. Sol ótinisher boıynsha 938 basqa qujattar daıyndalǵan. Arnaıy bekitilgen baǵalaý, sol jańaǵy shyǵyndy baǵalaıtyn mekeme bar, sol mekemege jiberildi. Al Qaraǵandy oblysyna qarasty Shet aýdanynda uzyn sany 89 bas mal sýǵa ketti.

Onyń 72-si – usaq, 12-si – iri qara, beseýi – jylqy. Aýdandyq jedel shtab shyǵyn kólemin eseptep, resmı aktini toltyrǵan sátten bastap aınalasy bir apta ishinde tuıaq shyǵyn túgel óteldi. Onysyn aýdan kásipkerleri tolyqtaı óz esebinen túgendep bergen. Oral Ystybaev, Shet aýdany ákiminiń orynbasary: — Osy Shet aýdany aýmaǵynda fermerlerdiń odaǵy bar ǵoı. Odaǵynyń bastamasymen, sharýa qojalyqtary jetekshilerimen odaq kótergen máselesi qoldaý taýyp, osy aýdan aýmaǵyndaǵy kásipkerler desem bolady, sharýashylyq qojalyqtary arqyly osy 89 bas resmı tirkelgen aýyl sharýashylyǵy janýarlarynyń oryndaryn toltyryp berdi. Iá, ótemaqy qazyna qarajatynan da, bıýdjetten tys kózderden de tartylady. Ol úshin mal ıesi tıisti ótinishti jergilikti ákimdikter qurǵan komıssııalarǵa ǵana berý qajet. Úkimet tarapynan ózge de qoldaý tetikteri qarastyrylǵan.

Máselen, sharýalar men mal ıeleri nesıe jáne lızıngtik boıynsha mindettemesin óteý merzimi keıinge qaldyrylatyn bolady. Sondaı-aq keshikken tólemder úshin aıyppul salynbaıdy. Aıta keteıik, tasqynnan zardap shekkenderge aýyl sharýashylyǵy mınıstrligi jedel jeli qurǵan. Myna nómirlerge habarlasyp, sharýashylyqtyń shyǵyna qatysty saýaldarǵa jaýap alýǵa bolady.