جاڭالىقتار
سۇيەگى دارەتحانادان تابىلدى: ەر ادام اناسىنىڭ ءمايىتىن 10 جىل ساقتاعان
جاپونيانىڭ كوبە قالاسىندا پوليتسيا 60 جاستاعى تاكەحيسا مياۆاكيدى تۇتقىندادى. ول اناسىنىڭ قايتىس بولعانىن جاسىرىپ, ونىڭ مايىتىمەن بىرگە شامامەن 10 جىل بويى ءبىر پاتەردە ءومىر ءسۇرىپ كەلگەن, دەپ جازدى Qandastar.kz Azattyq Rýhy-نا سىلتەمە جاساپ.
SCMP باسىلىمىنىڭ جازۋىنشاك, شەنەۋنىك كۇماندانىپ, پوليتسيا شاقىرعان.
وقيعا 2025 جىلدىڭ مامىر ايىندا اشكەرەلەنگەن. قالا قىزمەتكەرى كوشەدە مياۆاكيدى بايقاپ, اناسىنىڭ جاعدايى تۋرالى سۇراعان. ەر ادام جاۋاپ بەرۋدەن جالتارعان سوڭ شەنەۋنىك كۇدىكتەنىپ, پوليتسياعا حابارلاعان.
پاتەردەن قاڭقا تابىلدى
پوليتسيا قىزمەتكەرلەرى ەر ادامنىڭ پاتەرىنە كەلگەندە, ۇي قوقىسقا تولى بولعانىن, ال مايىتتىڭ سۇيەكتەرى دارەتحانا ىشىنەن تابىلعانىن مالىمدەدى.
مياۆاكيدىڭ ايتۋىنشا, ول اناسىنىڭ قايتىس بولعانىن بىلگەن, بىراق سوتسيوفوبياعا بايلانىستى پوليتسياعا حابارلاسپاعان جانە ءمايىتتى سىرتقا شىعارۋعا باتپاعان.
قىلمىستىق ءىز قالماعان, دنق – اناسىمەن سايكەستىگىن راستادى
ساراپتاما ناتيجەسىندە ءمايىتتىڭ ەشقانداي زورلىق-زومبىلىق ءىزى جوق ەكەنى انىقتالعان. دنق تەستى ءمايىتتىڭ 95 جاستا قايتىس بولعان اناسىنا تيەسىلى ەكەنىن راستادى. قازىر بۇل ءىس بويىنشا تەرگەۋ امالدارى جالعاسىپ جاتىر.
