جاڭالىقتار
سۇيىكتىسى جىگىتىن قىزعانىپ, ساۋساعىن كەسىپ, اۋىر جاراقات سالعان
جاپونيانىڭ وساكا قالاسىندا پوليتسيا 23 جاستاعى ساكي ساتو ەسىمدى بويجەتكەنگە قاتىستى وقيعانى تەرگەپ جاتىر. تەرگەۋ نۇسقاسىنا سايكەس, ول جىگىتىنە اۋىر دەنە جاراقاتىن كەلتىرگەن, دەپ حابارلايدى qandastar.kz سايتى.
21 جاستاعى جابىرلەنۋشىنىڭ ايتۋىنشا, ول تۇرمىستىق زورلىق-زومبىلىقتىڭ قۇربانى بولعان. ونىڭ سوزىنشە, رومانتيكالىق قارىم-قاتىناستا جۇرگەن قىز بىرتە-بىرتە ونىڭ ءومىرىن باقىلاۋعا الا باستاعان.
الدىمەن ساتو جىگىتتىڭ بانك كارتاسى مەن سمارتفونىن تارتىپ العان. كەيىن
ساكي جىگىتتىڭ ساۋساعىن كەسىپ تاستاعان. ونىڭ ايتۋىنشا, ول جىگىتتىڭ باسقا بىرەۋگە ۇيلەنبەۋى ءۇشىن وسىلاي جاساعان.
جىگىت ساكيگە دەگەن سەزىمى ءۇشىن ۇزاق ۋاقىت بويى زورلىق-زومبىلىققا شىداپ كەلگەنىن جانە ونى ەڭ سۇلۋ قىز دەپ ەسەپتەگەنىن ايتقان.
پوليتسيا كۇدىكتىنى قاماۋعا الدى. ونىڭ ارەكەتىندە قىلمىستىق ءىس-ارەكەت بەلگىلەرى بار. تەرگەۋ جالعاسىپ جاتىر.
