سۋپەرقاھارمان «لايتمەن» الماتى جارىقتارىن تەكسەرىپ, اكىمدىككە تاپسىرما بەردى

فوتو: جەكە قوردان

قىركۇيەك ايىندا «جاڭا ادامدار» جاستار قوزعالىسىنىڭ بەلسەندىلەرى الماتىنىڭ كوشە جانە اۋلا جارىعى جوق اۋداندارىنا بىرنەشە رەيد جۇرگىزدى. تەكسەرىستى جارىق پەن ادىلدىكتىڭ سيمۆولى بولعان سۋپەرقاھارمان «لايتمەن» باسقاردى. وكىنىشكە قاراي رەيد بارىسىندا جارىق اتىمەن جوق نەمەسە ىستەن شىققان كوپتەگەن ورىندار انىقتالدى, بۇل الماتىلىقتاردىڭ قاۋىپسىزدىگىنە قوسىمشا قاۋىپ توندىرەدى, – دەپ حابارلايدى qandastar.kz.

سۋپەرقاھارماننىڭ نازارىن الماتىنىڭ ءدال ورتالىعىندا ورنالاسقان — جارىقسىز قالعانىنا ءتورت جىل بولعان م. اۋەزوۆ كوشەسى, 126ا مەكەنجايىنداعى اۋلا اۋدارتتى. ول جەردە 100-دەن استام ادام – جەرگىلىكتى تۇرعىندار مەن جاڭا ادامدار قوزعالىسىنىڭ بەلسەندىلەرى «لايتمەننىڭ» باسشىلىعىمەن جينالىپ, اكىمدىك پەن كوممۋنالدىق قىزمەتتەرگە ماسەلەنى شۇعىل شەشۋدى تالاپ ەتىپ, ۇجىمدىق بەينەۇندەۋ جازدى.

تۇرعىندار جارىقسىز كوشەگە جاۋاپتى ءۇش نەگىزگى تۇلعاعا ءوز جولداۋلارىن شامدار كومەگىمەن جەتكىزدى. «سوقىر تريو! جارىق بەر!» ءسوز تىركەسى كەلەسى تۇلعالارعا باعىتتالدى:

– الماتى قالاسى, بوستاندىق اۋدانىنىڭ اكىمى —الين ساندجار مەنديباەۆيچكە;

– ينجەنەرلىك جانە جول ينفراقۇرىلىمى ءبولىمىنىڭ باستىعى — مۇقانالى اسىل باگداتوۆيچكە;

– «الماتى قالا جارىق» جشس ديرەكتورى — يگور مىسىك يۆانوۆيچكە.

تۇرعىندار شەنەۋنىكتەردەن م. اۋەزوۆ كوشەسىندەگى جانە قالاداعى وسىنداي جاعدايداعى باسقا دا جەرلەردەگى جارىقتى قالپىنا كەلتىرۋدى تالاپ ەتتى.

بەينەۇندەۋ ءتيىستى تۇلعالارعا باعىتتالدى. ءبىز بۇل جولداۋ قالالىق بيلىكتىڭ ناقتى شارالار قابىلداۋىنا تۇرتكى بولادى دەپ ۇمىتتەنەمىز.