Sýperqaharman «Laıtmen» Almaty jaryqtaryn tekserip, ákimdikke tapsyrma berdi

Foto: jeke qordan

Qyrkúıek aıynda «Jańa adamdar» jastar qozǵalysynyń belsendileri Almatynyń kóshe jáne aýla jaryǵy joq aýdandaryna birneshe reıd júrgizdi. Tekseristi jaryq pen ádildiktiń sımvoly bolǵan sýperqaharman «Laıtmen» basqardy. О́kinishke qaraı reıd barysynda jaryq atymen joq nemese isten shyqqan kóptegen oryndar anyqtaldy, bul almatylyqtardyń qaýipsizdigine qosymsha qaýip tóndiredi, – dep habarlaıdy qandastar.kz.

Sýperqaharmannyń nazaryn Almatynyń dál ortalyǵynda ornalasqan — jaryqsyz qalǵanyna tórt jyl bolǵan M. Áýezov kóshesi, 126A mekenjaıyndaǵy aýla aýdartty. Ol jerde 100-den astam adam – jergilikti turǵyndar men Jańa adamdar qozǵalysynyń belsendileri «Laıtmenniń» basshylyǵymen jınalyp, ákimdik pen kommýnaldyq qyzmetterge máseleni shuǵyl sheshýdi talap etip, ujymdyq beıneúndeý jazdy.

Turǵyndar jaryqsyz kóshege jaýapty úsh negizgi tulǵaǵa óz joldaýlaryn shamdar kómegimen jetkizdi. «Soqyr Trıo! Jaryq ber!» sóz tirkesi kelesi tulǵalarǵa baǵyttaldy:

– Almaty qalasy, Bostandyq aýdanynyń ákimi —Alın Sandjar Mendıbaevıchke;

– Injenerlik jáne jol ınfraqurylymy bóliminiń bastyǵy — Muqanáli Asyl Bagdatovıchke;

– «Almaty Qala Jaryq» JShS dırektory — Igor Mysyk Ivanovıchke.

Turǵyndar sheneýnikterden M. Áýezov kóshesindegi jáne qaladaǵy osyndaı jaǵdaıdaǵy basqa da jerlerdegi jaryqty qalpyna keltirýdi talap etti.

Beıneúndeý tıisti tulǵalarǵa baǵyttaldy. Biz bul joldaý qalalyq bıliktiń naqty sharalar qabyldaýyna túrtki bolady dep úmittenemiz.