Sybaılas jemqorlyqqa qarsy kúres tetikteri talqylandy

Senator Janna Asanova Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń qyzmetkerlerimen kezdesti,-dep habarlaıdy Qandastar.kz

Qoǵamdyq qabyldaý bólmesindegi áńgime barysynda sybaılas jemqorlyqqa qarsy kúrestiń jańa tetikterin izdeý máseleleri basty taqyryp boldy.

Kezdesýge departament basshylyǵy, sybaılas jemqorlyqqa qarsy qyzmettiń jetekshi mamandary, úkimettik emes uıymdardyń, saraptamalyq qoǵamdastyqtyń ókilderi jáne Almaty qalalyq máslıhatynyń depýtattary qatysty.

Janna Asanova kezdesýge qatysýshylarǵa «Sybaılas jemqorlyqqa qarsy kúrestiń jańa tetikteri» taqyryby boıynsha ODM jumys toby qyzmetiniń aralyq nátıjeleri týraly aıtyp berdi. Tanystyrý barysynda sybaılas jemqorlyq deńgeıin tómendetýge baǵyttalǵan negizgi bastamalar men ádistemeler, sondaı-aq olardy elimizdiń túrli óńirlerinde tabysty iske asyrýdyń mysaldary aıtyldy, – delingen aqparatta.

Sharaǵa qatysýshylar sybaılas jemqorlyqqa qarsy kúreste memlekettik organdardyń ashyqtyǵy men eseptiligin arttyrýǵa múmkindik beretin jańa tehnologııalar men ıfrlyq quraldardy engizý keleshegin talqylady. Janna Asanova sybaılas jemqorlyqqa qarsy is-qımylǵa azamattyq qoǵamdy tartýdyń mańyzdylyǵyn jáne sybaılas jemqorlyqqa qarsy is-qımyl ádisteri týraly halyqtyń habardarlyǵyn arttyrý úshin aqparattyq jumys júrgizý qajettigin atap ótti.

Kezdesý qorytyndysy boıynsha tıisti ODM boıynsha jumys toby men Almatynyń sybaılas jemqorlyqqa qarsy qyzmeti arasynda taldamalyq jáne aqparattyq-ádistemelik spektr máseleleri boıynsha ózara tyǵyz is-qımyl ornatý týraly ýaǵdalastyqqa qol jetkizildi. Osylaısha, taıaý bolashaqta mamandardyń biliktiligin arttyrý maqsatynda birlesken is-sharalar, semınarlar men trenıngter ótkizý josparlanyp otyr.