Syǵyr kóz dedi: Reseıde ultyna baılanysty kemsitilgen 17 jastaǵy sportshy qyz ózine qol jumsady

Foto: cheposhka

Reseıde 17 jastaǵy sportshy ultyna baılanysty kemsitilgeni týraly jazba qaldyryp, óz-ózine qol jumsady. Bul týraly qandastar.kz Stan.kz aqparat agenttigine silteme jasap habarlaıdy.

Oqıǵaǵa baılanysty qylmystyq is qozǵaldy.

Eki jyl buryn Altaı Respýblıkasynan Novosibirge kóship kelgen samboshy Ksenııa Cheponovanyń denesin bapkerleri 17 tamyz kúni tapqan.

Sportshy telegram kanalynda blog júrgizip kelgen, marqum óziniń «sońǵy jazbasyn» osy blogta jarııalapty.

«Men jaqsy adam emes shyǵarmyn, biraq jaman adam emespin, meniń kinám ne ekenin túsinbeımin? Týǵannan kózimniń syǵyr bolǵanynan ba, álde terimniń túsi qaratory bolǵany úshin be? Keıbireýler ultymdy ázilge aınaldyrǵanǵa deıin men óz ultymnan eshqashan uıalǵan emespin», — delingen sportshynyń sońǵy jazbasynda.

Cheponovanyń týystary men dostary “Okno» jobasyna bergen suhbatynda mektepte oqýshylardyń Ksenııany “syǵyr kóz» jáne «qara násildi» dep mazaq qylǵandaryn aıtty. Otbasy mazaq etýdi bastaǵan sol mektepte oqıtyn sambo bapkeriniń qyzy dep esepteıdi.

Tergeý komıteti Cheponovanyń ólimine qatysty qylmystyq is qozǵady. Sportshynyń týysynyń aıtýynsha, is «sýııdke ıtermeleý” baby boıynsha qozǵalǵan.

Eske salsaq, buǵan deıin 19 jastaǵy qazaqstandyqtyń qumar oıynnyń kesirinen ózine qol jumsaǵany týraly jazǵan edik.