Jańalyqtar
«Syıaqy qalady»: Toqaev memlekettik qyzmetshiler úshin súıinshi jańalyq aıtty
Foto: ashyq derekkóz
Búgin Aýyl sharýashylyǵy eńbekkerleriniń birinshi forýmynda memlekettik qyzmetshilerge syıaqy berý-bermeý máselesine núkte qoıdy, dep habarlaıdy qandastar.kz Azattyq Rýhy-na silteme jasap.
Aıta keteıik, jýyrda memlekettik qyzmetkerlerge syıaqy berýge tyıym salynatyndyǵy týraly másele qyzý talqylanǵan. Búgin prezıdent óz sózimen bul máselege núkte qoıdy.
«Memlekettik qyzmetshiler – eldegi júıeli ózgeristerdiń basty jolbasshylary. Olardyń tabysy aıtarlyqtaı kóp emes. Keı kezderi túnimen jumysta otyrady. Memlekettik qyzmetshilerdiń de otbasy men mindeti, qala berdi qarapaıym adam retindegi qalaýy men jospary bar. Memlekettik organdardyń tıimdiligin arttyrý úshin qatardaǵy qyzmetkerlerdiń eńbekaqysy básekege qabiletti bolýy kerek dep oılaımyn. Syıaqy atalǵan máseleni sheshýge múmkindik beredi. Basqa jolmen memlekettik qyzmetke bilikti mamandardy tartyp, kadr turaqsyzdyǵy problemasyn sheshý qıyn», — dedi Toqaev.
