«سىيلىق تۋرالى ءسوز قوزعايىن دەگەن ويىم بولعان جوق»: تانىمال اقىن ءوزىن سىناعان باسپاگەرگە جاۋاپ بەردى

فوتو:Stan.kz

اقىن ءحانبيبى ەسەنقاراقىزى قارالى جيىندا نە سەبەپتى سىيلىق تۋرالى ءسوز قوزعاعانىن ءتۇسىندىردى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

ايتا كەتەيىك, باسپاگەر باقىتجان بۇقارباي “دۋلات يسابەكوۆتىڭ اسىندا ءسوز العان ءحانبيبى ەسەنقاراقىزى مارقۇمنىڭ ارتىندا قالعان بالالارىنا كوڭىل ايتۋدىڭ ورنىنا, ءوزىنىڭ مەملەكەتتىك سىيلىق الا الماي جۇرگەنىن العا تارتتى. بۇل ءسوزى تىم ادەپسىز كورىندى” دەپ جازعان ەدى باسپاگەر. اقىن ءوز كەزەگىندە جاۋاپ بەردى.

«ەرىكتى اۋىزعا, بورىكتى باس سيادى. سىيلايتىن ادامىم بولعاندىقتان, دۋلات اعانىڭ قارالى جيىنىنا قاتىسۋ ءۇشىن, جاسىمنىڭ ەگدەلىگىنە قاراماي, تاڭعى بەستەگى ۇشاقپەن بارىپ, ءتۇن جامىلىپ ۇيىمە جەتكەن ەدىم. ال تاڭەرتەڭ Facebook-تا مەنى كىنالاعان جازبانى كورىپ, قايران قالدىم», – دەپ جازدى اقىن.

ادەبيەت وكىلى جيىندا دۋلات يسابەكوۆتىڭ وتباسىنا كوڭىل ايتىپ, تۋعان-تۋىستارىمەن قۇشاقتاسىپ كورىسكەنىن, بىراق سول ساتتە باقىتجان بۇقاربايدىڭ بولماعانىن اتاپ ءوتتى.

«سىيلىق تۋرالى ءسوز قوزعايىن دەگەن ويىم بولعان جوق. تەك دۋلات اعانىڭ پروزاعا كەلۋىمە ۇلكەن اسەر ەتكەنىن ايتقىم كەلدى. مەملەكەتتىك سىيلىق كوميسسياسىنىڭ كەيبىر مۇشەلەرى مەنىڭ پروزاعا قانداي قاتىسىم بار دەپ سۇراعاندا, سول جەردە وتىرعاندارعا شىندىقتى جەتكىزۋدى ءجون كوردىم. سىپسىڭ-سىپسىڭ وسەك ايتپاي, سول اۋىلدا ءجۇرىپ ايانباي ەڭبەك ەتتىم. العان ناگرادالارىم سول ەڭبەكتىڭ وتەۋى. اق ءۇي جاعالاپ, تامىر – تانىس ىزدەۋ – مەنىڭ تابيعاتىما جات نارسە. تىرناق استىنان كىر ىزدەگەن باقىتجانعا جول-جونەكەي قوسىلا كەتكەندەر تابىلىپتى», – دەپ ءتۇسىندىردى اقىن.

ەسكە سالايىق, دۋلات يسابەكوۆ 82 جاسىندا دۇنيەدەن وزعان ەدى.