«Syrany búginimiz ben erteńimiz jarqyn bolýy úshin qaınatamyz»: О́skemende syranyń jarnamasy synǵa qaldy

Foto: Instagram

Bul jarnama О́skemen qalasyndaǵy О́tepov kóshesi, 27-úıdiń qabyrǵasyna ilingen.

Májilis depýtaty Dáýlet Muqaev О́skemen qalasynda ilingen sátsiz jarnamany synap, Mádenıet jáne aqparat mınıstrligi men Shyǵys Qazaqstan oblysynyń ákimdiginen shara qoldanýdy talap etti.

О́skemendegi sumdyq: «Syrany búginimiz ben erteńimiz jarqyn bolýy úshin qaınatamyz» degen jarnamany qarańyzshy. Eldi dúr silkintken Talǵardaǵy 16 jastaǵy Sherzattyń ólimi dál osy bir shólmek syradan bolyp otyrǵan joq pa?! Qaıdaǵy jarqyn ómir, búginimiz qorqynyshqa, erteńimiz belgisizdikke toly bolsa?! Mádenıet jáne aqparat mınıstrligi men Shyǵys Qazaqstan oblysy ákimdiginiń nazaryna! Mynadaı jarnamaǵa jol berilmeýi kerek. Qaı zamannan beri syra qaınatý bizge jarqyn ómir syılaǵan? Kerisinshe, ómirmen qoshtasyp jatqandar jeterlik. Bul jarnama О́skemen qalasyndaǵy О́tepov kóshesi, 27-úıde ilingen. Shuǵyl shara qoldanýdy suraımyn, – dedi depýtat. 

Aıta ketsek, Talǵarda dúkenniń aldynda tóbeles bolyp, saldarynan 16 jastaǵy jasóspirim kóz jumǵan edi. Marqumnyń týystarynyń aıtýynsha, dúkennen syra alǵan tutynýshy aqshasyn tóleýden bas tartqan. Osydan keıin tóbeles bastalǵan.