«Syranyń aqshasyn tólemeı qoıǵan»: Kóz jumǵan 16 jastaǵy jasóspirim óliminiń mán-jaıy anyqtaldy

Almaty oblysynda jasóspirimniń ólimi tergelýde. 16 jasar bala jappaı tóbeles kezinde kóz jumdy.

Janjal jigittiń otbasy jalǵa alatyn dúkende bastalǵan. Týystarynyń aıtýynsha, saýda núktesine kelgen satyp alýshy syra alyp, aqshasyn tóleýden bas tartqan. Osydan keıin tóbeles bastalypty. Bul týraly KTK telearnasy málimdedi.

Talǵardaǵy úılerdiń biriniń turǵyndary sumdyq oqıǵanyń kýágeri boldy.  Saýda núktesin Bolattyń otbasy jalǵa alatyn bolǵan. Qaıǵyly túnde aýysymda úıdiń otaǵasy jumys istegen. Týystarynyń aıtýynsha, er adam saýda núktesine bir quty syra ishýge kelgen, biraq ol úshin aqsha tólegisi kelmegen sóıtip urys-keris bastalǵan.

16 jastaǵy Sherzat pen onyń aǵasy ákesin jaqtap, klıentten ketýin ótingen. Biraq onyń ornyna janjal shyǵarǵan azamat dostaryna qońyraý shalyp, dúkenge úsh kólik keledi.

“Ulym maǵan qońyraý shalyp, qazir ákesi men aǵasyn uryp-soǵatynyn aıtty. Birden dúkenge júgirdim. Biraq men jetkenshe ulym men kúıeýimniń aǵasyn uryp-soǵyp úlgeripti. Kúıeýi pyshaq ustaǵan adamdy olardan alyp ketken. Ony qarýlanǵan dep qoryqqan. Biraq ol jerdegilerdiń barlyǵynda pyshaq, tipti myltyq boldy. Ulymdy kóz alymda kókala qoıdaı etip sabaǵan. Onyń qansyrap jatqanyn kórdim”, – deıdi jigittiń anasy Gúlbara Bıshembıeva.

Qaıtys bolǵan jasóspirimniń anasy uly men qaıyn aǵasyn uryp-soqqan soń kúdiktilerdiń olardy pyshaqtaǵanyn aıtady. Týystary zardap shekkenderdi aýrýhanaǵa aparǵan. Biraq ol jerde jasóspirim kóz jumady.

“Sherzattyń ákesi tek klıenttiń taýar úshin aqsha tóleýin qalaǵan. Bul durys qoı. Kelgen adam ne sebepti olarǵa tıisip, tóbelesip, bireýlerge qońyraý shala bastady? 15-20-dan kem emes adam keldi. Olardyń arasynda úsh-tórt qyz boldy. Barlyǵy jas, biraq ózderin ańdar sııaqty ustady. Tipti myltyqtary men pyshaqtary bolǵan”, – deıdi kóz jumǵan jigittiń taǵy bir týysy Kúlásh Rımova.

Búgin oqýshynyń denesi úıge jetkizildi. Olardyń otbasynda bes bala bolǵan deıdi. Sherzat eń úlkeni. Sondyqtan kishilerge úlgi bolýdy armandaǵan. 10-synypta oqyp júrgen jasóspirim áskerı ýchılıщege túsýge daıyndalypty.

“О́te meıirimdi jáne ashyq-jarqyn bala edi. Eshqashan eshkimmen qaqtyǵysqan emes. Barlyǵyna qurmetpen qaraıtyn. Túnde ol tóbeleskisi kelmegenine senimdimin. Fızıkalyq turǵydan myqty bolǵan jáne kez kelgen adamǵa qarsy tura alatyn. Biraq olardyń sany tym kóp boldy”, – deıdi týysy Baqyt Rımova.

Týystary kúdiktiler jergilikti turǵyndar deıdi. Olardyń barlyǵy bir aýylda turǵan, biraq jeke tanys bolmaǵan. Tóbeleske qatysýshylardyń bári ustaldy.  “Kisi óltirý faktisi boıynsha polıııa qylmystyq is qozǵady. Oqıǵanyń barlyq qatysýshylary ustalyp, ýaqytsha ustaý ızolıatoryna qamaldy. Qylmystyq isti tergeý oblystyq polıııa departamenti basshylyǵynyń erekshe baqylaýynda”, – deıdi Almaty oblysy PD bastyǵynyń orynbasary Málik Qabdýalıev.

Tóbeleske qatysqan Sherzattyń aǵasyna úsh ret pyshaq salǵany belgili boldy. Qazir er adam aýrýhanada em qabyldap jatyr.