«سىرتقى كيىمىن كيمەي شىققان»: اتىراۋدا ولتىرىلگەن بويجەتكەن كۇندەلىگىندە كۇدىكتىنىڭ اتىن جازعان

فوتو: Atyrau-Oiyl

باتىس قازاقستان وبلىسىنداعى اقجايىق اۋدانىندا تۋىپ-وسكەن يانا ەسىمدى قىزدىڭ دەنەسى بىرنەشە كۇن بويى ىزدەستىرىلدى. وكىنىشكە قاراي, ونىڭ ءولى دەنەسى تابىلدى. ونى تانىسى ءولتىرىپ, دەنەسىن وزەنگە لاقتىرىپ كەتكەن دەپ ايىپتالدى. بۇل تۋرالى Stan.kz اقپارات اگەنتتىگى «اقجايىق» باسىلىمىنا سىلتەمە جاساپ حابارلايدى.

مالىمەتتەرگە سەنسەك, يانا 2001 جىلى دۇنيەگە كەلگەن. مەكتەپتى ۇزدىك ءبىتىرىپ, اتىراۋ مۇناي جانە گاز ۋنيۆەرسيتەتىنە گرانتقا تۇسكەن. جوعارى وقۋ ورنىن تامامداعان سوڭ ماگيستراتۋراعا ءتۇسىپ, وسى جازدا ماگيستر دارەجەسىن العان. سونىمەن قاتار ول اتىراۋ قازاق عىلىمي-زەرتتەۋ گەولوگيالىق بارلاۋ مۇناي ينستيتۋتىندا جۇمىس ىستەگەن.

ايتا كەتەيىك, 18 قازاندا يانا اناسىنا سوڭعى رەت حابارلاسقان. ول كەزدە اناسى گالينا ىسساپارمەن اقتاۋ قالاسىندا بولعان. كەلەسى كۇنى گالينا قىزىنا حابارلاسقاندا, ونىڭ تەلەفونى ءوشىپ تۇرعان. كەشكە قاراي گالينا اپكەسىنەن ۇيىنە بارىپ كورۋىن سۇراعان. ۇيگە كەلگەندە اپكەسى بارلىق بولمەنىڭ جارىعى قوسۋلى, ال يانانىڭ ءوزى جوق ەكەنىن كورەدى.

«قىزدىڭ سىرتقى كيىمى كوريدوردا ءىلۋلى تۇردى. قۋاتتاعىش قۇرىلعىسى مەن ناۋشنيكتەر دە ۇيدە بولدى – ول بۇلارسىز مۇلدەم شىقپايتىن. مەنىڭشە, بولجامدى ولتىرۋشىمەن بايلانىس كولىكتە بولعاندىقتان ول كۋرتكاسىن كيمەگەن. 20 قازاندا مەن اتىراۋعا ۇشىپ, بىردەن پوليتسياعا حابارلاپ, جوعالعانى تۋرالى ارىز بەردىم», – دەپ اڭگىمەلەيدى اناسى.

يانانىڭ كۇندەلىگىندە وعان جاقىن بولعان ءبىر ادام تۋرالى جازبالار كەزدەسەدى. ول ادامدى يانا «ر» دەپ بەلگىلەپ وتىرعان. ونىڭ دوستارى اناسىنا بۇل ادامنىڭ بايلانىس ءنومىرىن بەرەدى. جىگىتپەن سويلەسكەندە ول يانانى كورمەگەنىن جانە ءبىر اپتادان استام ۋاقىت سويلەسپەگەنىن ايتادى. گالينا سول ادامدى كۇدىكتى دەپ سانايدى, بىراق رەسمي تۇردە بۇل اقپارات راستالماعان.

ال 23 قازاندا تاڭەرتەڭ پوليتسيا ەكى كۇدىكتى, ياعني 24 جانە 25 جاستاعى ەر ادامداردى قاماۋعا الدى. ولاردىڭ كىناسىن مويىنداعانىن حابارلادى.
اتىراۋ پوليتسيا دەپارتامەنتىنىڭ مالىمەتىنشە, ولار يانانى ورال وزەنىنە تاستالعان. قازىر قىزدى ىزدەستىرۋ جۇمىستارى جالعاسىپ جاتىر.

يانانىڭ اناسى گالينا لەگكوديموۆا الەۋمەتتىك جەلىلەر ارقىلى جەرگىلىكتى اكىمدىككە ىزدەستىرۋ جۇمىستارىنا قوسىمشا تەحنيكا مەن ادامدار بەرۋدى سۇراپ, ءوتىنىش ءبىلدىردى. وبلىستىق اكىمدىك پەن تجد ىزدەستىرۋ توپتارىن كوبەيتىپ, گاليناعا بارلىق شارالار جايلى حابارلاپ تۇرۋعا ۋادە ەتتى.

ەسكە سالايىق, بۇعان دەيىن بىر اپتا بۇرىن جوعالىپ كەتكەن 23 جاستاعى اتىراۋلىق بويجەتكەننىڭ دەنەسى تابىلعانىن جازدىق. ونى تانىسى ءولتىرىپ, دەنەسىن وزەنگە لاقتىرىپ كەتكەن دەپ ايىپتالدى. «ۇرلاۋ» جانە «كىسى ءولتىرۋ» باپتارى بويىنشا قىلمىستىق ءىس تىركەلدى. كەشەندى تەرگەۋ باستالدى. 24 جانە 25 جاستاعى ەكى كۇدىكتى ۇستالىپ, ۋاقىتشا ۇستاۋ يزولياتورىنا ورنالاستىرىلدى.