«Syrtqy kıimin kımeı shyqqan»: Atyraýda óltirilgen boıjetken kúndeliginde kúdiktiniń atyn jazǵan

Foto: Atyrau-Oiyl

Batys Qazaqstan oblysyndaǵy Aqjaıyq aýdanynda týyp-ósken Iana esimdi qyzdyń denesi birneshe kún boıy izdestirildi. О́kinishke qaraı, onyń óli denesi tabyldy. Ony tanysy óltirip, denesin ózenge laqtyryp ketken dep aıyptaldy. Bul týraly Stan.kz aqparat agenttigi «Aqjaıyq» basylymyna silteme jasap habarlaıdy.

Málimetterge sensek, Iana 2001 jyly dúnıege kelgen. Mektepti úzdik bitirip, Atyraý munaı jáne gaz ýnıversıtetine grantqa túsken. Joǵary oqý ornyn támamdaǵan soń magıstratýraǵa túsip, osy jazda magıstr dárejesin alǵan. Sonymen qatar ol Atyraý Qazaq ǵylymı-zertteý geologııalyq barlaý munaı ınstıtýtynda jumys istegen.

Aıta keteıik, 18 qazanda Iana anasyna sońǵy ret habarlasqan. Ol kezde anasy Galına issaparmen Aqtaý qalasynda bolǵan. Kelesi kúni Galına qyzyna habarlasqanda, onyń telefony óship turǵan. Keshke qaraı Galına ápkesinen úıine baryp kórýin suraǵan. Úıge kelgende ápkesi barlyq bólmeniń jaryǵy qosýly, al Iananyń ózi joq ekenin kóredi.

«Qyzdyń syrtqy kıimi korıdorda ilýli turdy. Qýattaǵysh qurylǵysy men naýshnıkter de úıde boldy – ol bularsyz múldem shyqpaıtyn. Menińshe, boljamdy óltirýshimen baılanys kólikte bolǵandyqtan ol kýrtkasyn kımegen. 20 qazanda men Atyraýǵa ushyp, birden polıııaǵa habarlap, joǵalǵany týraly aryz berdim», – dep áńgimeleıdi anasy.

Iananyń kúndeliginde oǵan jaqyn bolǵan bir adam týraly jazbalar kezdesedi. Ol adamdy Iana «R» dep belgilep otyrǵan. Onyń dostary anasyna bul adamnyń baılanys nómirin beredi. Jigitpen sóıleskende ol Ianany kórmegenin jáne bir aptadan astam ýaqyt sóılespegenin aıtady. Galına sol adamdy kúdikti dep sanaıdy, biraq resmı túrde bul aqparat rastalmaǵan.

Al 23 qazanda tańerteń polıııa eki kúdikti, ıaǵnı 24 jáne 25 jastaǵy er adamdardy qamaýǵa aldy. Olardyń kinásin moıyndaǵanyn habarlady.
Atyraý polıııa departamentiniń málimetinshe, olar Ianany Oral ózenine tastalǵan. Qazir qyzdy izdestirý jumystary jalǵasyp jatyr.

Iananyń anasy Galına Legkodımova áleýmettik jeliler arqyly jergilikti ákimdikke izdestirý jumystaryna qosymsha tehnıka men adamdar berýdi surap, ótinish bildirdi. Oblystyq ákimdik pen TJD izdestirý toptaryn kóbeıtip, Galınaǵa barlyq sharalar jaıly habarlap turýǵa ýáde etti.

Eske salaıyq, buǵan deıin bir apta buryn joǵalyp ketken 23 jastaǵy atyraýlyq boıjetkenniń denesi tabylǵanyn jazdyq. Ony tanysy óltirip, denesin ózenge laqtyryp ketken dep aıyptaldy. «Urlaý» jáne «kisi óltirý» baptary boıynsha qylmystyq is tirkeldi. Keshendi tergeý bastaldy. 24 jáne 25 jastaǵy eki kúdikti ustalyp, ýaqytsha ustaý ızolıatoryna ornalastyryldy.