سىرىم يساباەۆ بۇرىنعى ارىپتەسى قايرات نۇرتاس تۋرالى ايتتى?

فوتو: اشىق دەرەككوز

تانىمال ءانشى سىرىم يساباەۆ بۇرىنعى ارىپتەسى قايرات نۇرتاسپەن نەلىكتەن بىرگە جۇمىس ىستەمەي كەتكەنىن ايتتى, دەپ حابارلايدى qandastar.kz

«ءار تىرلىكتىڭ باسى بار, اياعى بار. ءبىز ەڭ العاش بىرگە باستاپ شىققاندا, ماقساتىمىز حالىقتى قۋانتۋ, ءوزىمىزدى تانىستىرۋ بولدى. ول كەزدە ويىمىز ءبىر جەردەن شىعادى: قايراتقا ۇناعان ءان ماعان دا ۇناپ, مەنىڭ ءانىم وعان ۇنايتىن. وزىڭە ۇناعان ءان حالىققا دا ۇنادى. الايدا اقىر اياعىندا اركىمنىڭ وي-پىكىرى ءار ءتۇرلى بولدى. بۇل نارسە جالعاسا بەرسە, ۇرسىپ تا قالاتىنىمىزدى ءبىلدىم. مەن ەش نارسەنى ۇرىسپەن اياقتاعىم كەلمەيدى. بىرەۋدىكى دۇرىس ەمەس بولسا دا, «سەنىكى دۇرىس» دەۋ جولىڭدى اشادى. بۇنىڭ بارىنە بىرەۋ كىنالى دەپ ايتۋعا بولمايدى. مۇنىڭ ءبارىن باسقارعان گۇلزيرا اپكەمىز بولدى. گۇلزيرا اپكەمىز نە دەسە, ءبىز بارىنە باعىنامىز», – دەدى سىرىم يساباەۆ.