سىرىم جولى: سايگ ۇلىكپەن سايىن دالاعا ساپار شەككەن جورىقشىلار

وسىدان ءبىر كۇن بۇرىن ەرەۋىل اتقا ەر سالعان ازاماتتار ورال شاھارىنان سىرىم دالاسىنا قاراي بەت العان ەدى. تۋ استىندا تۋلاعان تۇلپارلار تۇياعى كەشە قاس قارايا باتىس ءوڭىرىمىزدىڭ بايتاق دالاسىن كەسىپ ءوتىپ, جىمپيتىعا امان ىلىكتى. «ەرەۋىل اتقا ەر سالىپ, ەڭكۋ – ەڭكۋ جەر شالىپ» كەلە جاتقان جورىقشىلاردى قالا بەتتەگى قاقپانىڭ الدىنان اۋىلدان شىققان ءبىر توپ اتتىلى قارا قيقۋ ايرىقشا قۇرمەتپەن كۇتىپ الدى.

ىرعاتىلىپ اققان اق جايىقتىڭ بويى — سىرىمنىڭ قالىڭ قولمەن كازاك بەكىنىستەرىن شاپقان جەرى. قيان-كەسكى ۇرىستار وتكەن القاپ. بورباستاۋ, شالقار القابى – باتىردىڭ ساياسي قارسىلاسى, كىشى ءجۇزدىڭ حانى نۇرالىنىڭ قونىس اۋىستىرىپ جۇرگەندە, ۋاقىتشا تۇراقتاپ, وردا تىككەن ورىنى. شولاقاڭقاتىنىڭ بويىندا سىرىم شىققان تاۋ توبە تۇر. مىنە سول سەبەپتى, رەسپۋبليكا كۇنى مەن دالانىڭ داڭقتى باتىرى, ءبيى سىرىم دات ۇلىنىڭ 280 جىلدىعى قۇرمەتىنە جولعا شىققان جىگىتتەر جورىقتارىن «سىرىم باتىر جولىمەن…» دەپ اتاپتى.

يدەيا اۆتورى – بەلگىلى كاسىپكەر مۇراتبەك مۇحامەديەۆ. اتتىلاردىڭ ىشىندەگى سىرىم باتىردىڭ ءتول ۇرپاعى, 11 جاسار شەرحان قايىرساپا باتىر دا بار.

ساپار بارىسىندا سالت اتتى جورىقشىلار سىرىم بابا كەسەنەسىنىڭ ماڭىنا ايالداپ, ات سۋىتتى. تاڭدا تۇرىپ, كۇن شاپاعىمەن جارىسىپ, ساپارلارىن جالعاستىردى.

«سىرىم باتىر جولىمەن…» كەلگەن كەرۋەندى سالتاناتتى قارسىلاۋ شاراسى س. دات ۇلى اتىنداعى ستاديوندا ءوتتى. سىرىم اۋدانىنىڭ اكىمى تولەگەن تورەعاليەۆ دالانى دۇبىرگە بولەگەن 140 شاقىرىمدىق جورىقتىڭ استارىندا ەلجاندى ازاماتتاردىڭ «ۇيقىداعى رۋحتى وياتار» نيەتى مەن تۋعان جەرگە دەگەن قۇرمەتتەرى جاتقانىن ايتتى. اتتى توپتىڭ اتىنان قمدب – نىڭ بقو وكىل يمامى باقىتجان قۇرالباي ۇلى ءسوز سويلەدى. جورىق تۋى سالتاناتتى تۇردە سىرىم اۋدانىنا تابىستالدى.

بىزدىڭشە, ساپار جىمپيتىدان قاراتوبە, ودان ءارى ويىل, قيىل, جەم, ساعىز اينالىپ, سىرىمنىڭ حالىق كەڭەسىن قۇرعان تاريحي جەرگە دەيىن جالعاسۋى كەرەك سىقىلدى.

وسى كۇنى سىرىم اۋدانىندا «قايسار» سپورت كلۋبىنىڭ ۇيىمداستىرۋىمەن اۋدارىسپاقتان اۋدان بىرىنشىلىگى ءوتتى. ك ۇلىك ۇستىندەگى كۇرەستىڭ جەڭىمپازدارىن سامبودان 4 دۇركىن الەم چەمپيونى, ورال قالاسىنداعى بالالار مەن جاسوسپىرىمدەردىڭ ۇلتتىق سپورت مەكتەبىنىڭ ديرەكتورى ەربولات بايباتىروۆ ماراپاتتادى.

باۋىرجان شيرمەدين ۇلى,
سىرىم اۋدانى