«Tabysyn halyqpen bólisýi kerek»: Mańǵystaý oblysy ákimi óńirde tirkelgen iri kompanııalarǵa úndeý jasady

Ákimdik málimetinshe, oblys boıynsha jer qoınaýyn paıdalanýshy 208 kompanııa bar. Olardyń ishinde keń taralǵan paıdaly qazbalarmen aınalysatyn kompanııalar sany 152 bolsa, 56 munaı kompanııasy tirkelgen. «Bul mekemelerdiń ósýine, damýyna eshqandaı qarsylyǵymyz joq. О́ssin, baıysyn. Biraq, bizdiń Mańǵystaýda jumys jasap jatyr eken demeýshilik jaǵynan bolsyn halyqpen bólissin. Barlyǵyn birdeı bıýdjetke ilip qoıa berýge bolmaıdy. Iri, sheteldik úlesi bar mekemeler de halyqpen az da bolasa tabysyn bólisý kerek. Ákimshilik taraptan kómek bolsa, kómektesemiz», – dedi Nurdáýlet Qılybaı. Ekonomıka jáne bıýdjettik josparlaý basqarmasynyń basshysy Marına Albekovanyń aıtýynsha, óńirdegi eki munaı kompanııasymen ǵana ónimdi bólý týraly kelisim (SRP) bar.

«NSOS kompanııasynyń áleýmettik mindettemesiniń jyldyq kólemi – 25 mln dollar. Olar oblys boıynsha áleýmettik mańyzdy nysandardyń qurylysyn júrgizedi.

Sońǵy 3 jylda 5 nysan tapsyrdy. Al Dýnga mekemesiniń áleýmettik mindettemelerdiń jyldyq kólemi – 1 mln dollar. Kompanııanyń múmkindigine qaraı áleýmettik mindettemelerdiń baǵyty ol –qural-jabdyqtardy satyp alý jáne jetkizý. Sońǵy 3 jylda 5 densaýlyq saqtaý uıymyna 30 birlik apparat tapsyryldy. Jalpy osy kompanııanyń áleýmettik mindettemeleriniń jyldyq kólemin ulǵaıtýǵa múmkindik bar», – dedi Marına Albekova.