NEET jastary
«Tabysyńdy ózińe jumsama!»
24 maýsym kúni Qostanaı qalasynda «Jastar resýrstyq ortalyǵynda» «Jastarǵa múmkindik» taqyrybynda kezdesý ótti.
Kezdesý «Jastardy áleýmettendirý jáne ońaltý» jobasy aıasynda jalǵasyn tapty.
Joba jastardyń jumys jáne oqýǵa kelgende belsendilik tanytpaý sebepteri, jobalyq keńse tarapynan jastarǵa kómek berý jáne kásibı baǵdarlaý túrleri, NEET jastarynyń qordalanǵan máseleleriniń sheshý joldaryn qarastyrýǵa baǵyttalǵan.
Jastardy bolashaq ómirlik josparlaryna yntalandyrý jáne shyǵarmashylyq áleýetti damytý maqsatynda qaladaǵy beldi kásipker, restorator Nurmahan Sopbekov jastarǵa mansap jáne jeke ósý úshin ómirlik daǵdylardy damytýdaǵy tájirıbeleri men jibergen qatelikteri jóninde aıtyp berdi.
«Oqý bitire sala bıznes ashamyn degen qate túsinik. Kez-kelgen adam kompanııa blsyn, memlekettik jumys bolsyn kollektıvpen jumys istep kórý kerek. Birinshi etaptan ótpeseń bıznes asha almaısyń. Bir jerde turaqty jumys isteýdi úırený kerek.», – deıdi kásipker.
Odan bólek, bıznes ashýdaǵy qyr-syrlary men basynan ótken qıyndyqtary jaıly aıtyp berdi. Bizdiń eń úlken qatelik alǵash tapqan tabysty ózimizge jaratýymyz. Kez-kelgen iste aınalymǵa kelgenshe ózińdi, shyǵynyńdy tejeı turý kerek degen keńes aıtty.
«Eshqashan óz isińdi bastaýdan qoryqpańyzdar. Eń bastysy – Sizdiń naqty armanyńyz ben maqsatyńyz, ózińizge degen senim bolýy kerek. Arman men senim jetistikke jetkizedi. Alaıda, eń úlken motıvaııa – Arman. Eń kúshti qarý – Senim.», – deıdi kásipker.
Kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz bolady.
