Taekvondodan bas bapker jalǵan qujat jasap, jasóspirimder jarysyna qatysqan: Mınıstrlik ony jaýapqa tartpaǵan

Foto: Skrın Aqyrys Seıitqazy podkastynan

Jelide taekvondodan Ulttyq quramanyń bas bapkeri Esbol Sultan 21 jasynda jalǵan qujat jasap, jasóspirimder arasyndaǵy jarysqa qatysty degen aqparat tarady. Sol kezde 17 jasqa deıingi jasóspirimder arasyndaǵy jarysqa qatysqan sportshy altyn medal jeńip alǵan, dep jazdy qandastar.kz

Bul týraly Stan.kz aqparat agenttigi habarlaıdy.

Atalǵan jaǵdaıdy jýrnalıst Dıas Nuraqyn Facebook áleýmettik jelisindegi paraqshasynda jazdy. Onyń sózinshe, taekvondodan Ulttyq quramanyń bas bapkeri 2001 jyly Azııa chempıonatyna Esbol Erden degen atpen qatysqan.

«Ol Azııa chempıonatyna 2001 jyly Esbol Erden degen esimmen qatysqan. Sondaı-aq júldeli birinshi oryn alǵan. Alaıda onyń jasy sol kezde 21-de bolǵan deıdi. 1981 jyly týǵanymen, qujatqa 1984 jylǵy dep jazdyrǵan eken. Osy qujatpen 2005 jylǵa deıin ártúrli jarystarǵa qatysyp, júldeger atanǵan. Internettegi ashyq málimetterde Esbol Sultannyń 2002 jyly Azııa oıyndarynda qola júlde jeńip alǵany jazylǵan. Sondaı-aq taǵy birneshe bedeldi jarystarda júlde alypty. Tek 2006 jyldan bastap qaıtadan óziniń túpnusqa tólqujatyn paıdalanǵan», – dep jazdy jýrnalıst.

ýrnalıstiń málimetinshe, polıııa jalǵan qujatty teksergenimen, 25 jyl burynńy oqıǵa dep isti jaba salǵan.

«Jalǵan qujat jasatqanyn polıııa teksergen. Olardyń málimetinshe, Esbol Erdenulyna 1997 jyly Shymkent qalalyq AHAJ bólimi tólqujat bergen. Sosyn 2000 jyly OQO, Qazyǵurt aýdany AHAJ bólimi bergen jalǵan týý týraly kýálik negizinde taǵy bir tólqujat jasalǵan. Onda týǵan jylyn 1984 jyl dep kórsetken. Munyń bárin quzyrly organ ókilderi dáleldegenimen, 25 jyl buryn jasalǵan zańsyzdyq (qylmys) dep isti jyly jaba salypty», – deıdi jýrnalıst.

Atalǵan jaǵdaıǵa qatysty Stan.kz tilshisi Týrızm jáne sport mınıstrliginen mán-jaıdy surap bildi.

Týrızm mınıstrliginiń málimetinshe, Esbol Sultanov bas bapker laýazymyna qoıylatyn barlyq talapqa tolyqtaı sáıkes keledi.

«Esbol Sultanov el Konstıtýııasy men zańdaryn biledi jáne eńbek qaýipsizdigi men eńbekti qorǵaý talaptaryna tolyqtaı sáıkes keledi. Onyń «Dene shynyqtyrý jáne sport» mamandyǵy boıynsha joǵary bilimi, jattyqtyrýshyǵa arnalǵan attestaty jáne dene shynyqtyrý men sport salasynda keminde 5 jyldyq eńbek ótili bar. Esbol Erdenulynyń sportshy retinde sporttyq mansabynan aıtarlyqtaı kóp ýaqyt ótti. Al onyń sol kezdegi nátıjelerine bapkeri jaýapty bolǵan. Degenmen bul jaǵdaı Esbol Erdenulynyń kásibı bilimi men qabiletiniń jetkilikti ekenin joqqa shyǵarmaıdy. Bul onyń qazirgi qyzmetine laıyq kandıdat ekenin dáleldeıdi», – delingen habarlamada.

Sondaı-aq mınıstrlik qoldanystaǵy halyqaralyq erejelerde jalǵan qujatpen sporttyq jarystarǵa qatysqany úshin jaýapkershilik kózdelmegenin jetkizdi.

Esbol Sultanov týraly ne belgili?

Sultanov Esbol Erdenuly 1984 jyly 1 naýryzda dúnıege kelgen. Ol sportshy retinde taekvondodan Qazaqstannyń jastar, keıin eresekter quramasynda óner kórsetken.

2000 jyly Irlandııanyń Kıllarnı qalasynda ótken jastar arasyndaǵy álem chempıonatynda, 68 keli salmaq dárejesinde shırek fınalǵa deıin jetken.

Al 2001 jyly Taıvannyń Chjanhýa qalasynda ótken jastar arasyndaǵy Azııa chempıonatynda altyn medal jeńip alǵan.

2002 jyly Pýsanda (Ońtústik Koreıa) ótken Azııa oıyndarynda ol 72 kelige deıingi jeńil salmaqta baq synady. Qazaqstandyq taekvondoshy jartylaı fınalǵa deıin jetti. Ol álem chempıony, ırandyq sportshy Hadı Saeıge jol berip, qola júldeni enshiledi.

Arada eki jyl ótken soń Esbol taekvondodan iri halyqaralyq jarystarda taǵy eki medal jeńip alǵan. Ol German Open halyqaralyq týrnıriniń kúmis júldegeri, Ońtústik Koreıanyń Sonnam qalasynda ótken Azııa chempıonatynyń qola júldegeri atanǵan.

Halyqaralyq dárejedegi sport sheberi Esbol Sultanov sporttyq mansabyn 2008 jyly aıaqtap, bapkerlik qyzmetke aýysady. Ol eńbek jolyn Almatydaǵy «Shańyraq» sport ınternatynda kómekshi retinde bastaǵan. Bapkerler kadetter men jasóspirimder arasynda el chempıonattarynyń bes jeńimpazyn, Azııa chempıondarynyń jeńimpazdary men júldegerlerin tárbıelegen.

2014 jyldan 2020 jylǵa deıin Esbol Erdenuly Almaty qalasy eresekter quramasyn basqarǵan. Onyń jetekshiligimen almatylyqtar respýblıkalyq jarystarda medaldar sany boıynsha kósh bastap, úsh ret Konfederaııa kýbogyn jeńip alǵan.

Sultanov kadetter (12–14 jas) quramasynyń bapkeri retinde de tabysty jumys istedi. Onyń jetekshiligimen úsh jas qazaqstandyq álem chempıonatynyń altyn júldegerleri atandy. Birneshe sportshy Azııa chempıonatynda top jardy.

Esbol Sultanov 2023 jyldyń qyrkúıeginde Týnıs memleketiniń shaqyrýymen bas bapkerlikke bardy. 2024 jyly ótken Parıj Olımpıadasynda onyń qos shákirti júldeli bolyp, biri – qola, ekinshisi – altyn medal aldy. Osylaısha Dúnıejúzilik Taekvondo federaııasy Esbol Sultanovty 2024 jyldyń «Úzdik bapkeri» dep tanydy.

Osydan keıin prezıdent Toqaev Sultanovtyń jetistikterin atap ótip, bapkerlerge jan-jaqty qoldaý kórsetý sharalaryn qolǵa alý keregin aıtty.

Bıyl qańtar aıynda Esbol Erdenuly taekvondodan Qazaqstan ulttyq quramasynyń bas bapkeri laýazymyna taǵaıyndaldy.