Бұл туралы Ішкі істер министрлігі мәлімдеді.

Ведомствоның мәліметінше, биыл 1 шілдеде Мемлекет басшысы қол қойған заң аясында еліміз тарихында алғаш рет әкімшілік амнистия жүргізілді.

Соның нәтижесінде заңда көрсетілген баптар бойынша азаматтардың 1,3 миллионнан астам әкімшілік өндіріп алуы тоқтатылып, жалпы сомасы 22 миллиард теңгеден асатын айыппұлдар есептен шығарылған.

ІІМ өкілдерінің айтуынша, бұл – бір реттік ізгілік шарасы. Амнистия тек қоғамның қауіпсіздігіне қатер төндірмейтін және азаматтардың құқықтарына зиян келтірмейтін құқық бұзушылықтарға қатысты қолданылған.

«Амнистия – бір реттік ізгілік шарасы. Егер азамат қайтадан құқық бұзса, ол заң талаптарына сәйкес толық жауапкершілікке тартылады. Құқық бұзушылық жасамау – жауапкершіліктен сақтанудың ең дұрыс жолы», – деді ҚР ІІМ Әкімшілік полиция комитетінің төрағасы Мұрат Қабденов.

Министрлік азаматтарды заң талаптарын сақтауға және өзгелердің құқықтарын құрметтеуге шақырды.

The post Қазақстанда 22 млрд теңгенің айыппұлы кешірілді: амнистия 590 мың адамға қатысты қолданылды appeared first on QANDASTAR.KZ.

Ішкі істер министрі Ержан Сәденов әкімшілік амнистия кезінде азаматтарға жасалатын жеңілдіктер туралы мәлімдеді.

Министрдің айтуынша, әкімшілік рақымшылық шеңберінде жеке тұлғалардың орындалмаған айыппұлдары толық немесе ішінара есептен шығарылады.

“Айыппұлдың мөлшері мен есептен шығару тәртібі заң жобасын әзірлеу барысында уәкілетті органдармен нақты пысықталатын болады”, – деді Сәденов үкіметтің отырысында.

Сонымен қатар, министр әкімшілік амнистияға ілінбейтін тұлғаларды атап өтті.

Оларға террористер, экстремистер, жемқорлыққа қатысы бар адамдар, кәмелет жасқа толмағандарға қатысты қылмыс жасағандар, азаптау қылмыстары, рецидивистер мен іздеуде жүргендер жатады.

Премьер-министр екі апта ішінде әкімшілік рақымшылыққа байланысты нақты ұсыныстар әзірлеуді тапсырды.

The post Әкімшілік амнистия аясында азаматтардың айыппұлдары толық немесе ішінара кешіріледі appeared first on QANDASTAR.KZ.