Ведомствоның мәліметінше, қауіпсіздік жағдайы бағаланғаннан кейін Яир Нетаньяхуды Флоридадан елге қайтару туралы шешім қабылданған. Ол Израиль қауіпсіздік қызметкерлерінің бақылауымен АҚШ-тан шығарылған.

Бұған дейін Newsmax америкалық құқық қорғау органдарындағы дереккөзге сүйеніп, Израиль барлау қызметі Яир Нетаньяхуға қастандық жасауға бағытталған деген болжамды Иран жоспарын анықтағанын жазған.

Басылым мәліметінше, Иранмен байланысы бар деген күдікке ілінген адамдар Майами маңында болып, Яир Нетаньяхудың тұрған жері мен қозғалысын бақылаған болуы мүмкін.

The Jerusalem Post басылымы Яирге тұрған жерінен дереу кету тапсырылғанын хабарлады. Ол жеке заттарын алып үлгерместен қауіпсіздік шараларына байланысты АҚШ-тан кеткен. Кейін Израильге оралған.

Бұған дейін Биньямин Нетаньяху Иранның оның ұлдарының біріне қастандық жасауға әрекеттенгенін айтқан болатын. Алайда премьер-министр қай ұлы туралы айтып отырғанын нақтыламаған.

The post Нетаньяхудың ұлына қауіп төнді: Яир АҚШ-тан Израильге шұғыл эвакуацияланды appeared first on QANDASTAR.KZ.

The post Израиль мен Ливан АҚШ делдалдығымен атысты тоқтату туралы келісімге келді appeared first on QANDASTAR.KZ.

Саяси мәні: Қазақстан сенімді әріптес ретінде көрінді

Қазақстан ұзақ жылдар бойы көпвекторлы саясат жүргізіп келеді. Ресей, Қытай, Батыс елдері, Түркия, араб мемлекеттері және Азия бағытындағы теңгерімді байланыс – ресми Астананың негізгі артықшылығы. Израиль президентінің сапары осы стратегияның жұмыс істеп тұрғанын дәлелдеді. Қазақстан бір тараптың емес, түрлі орталықтармен қатар жұмыс істей алатын мемлекет ретінде қабылдана бастады. Бұл әсіресе Таяу Шығыс секілді күрделі аймақ контексінде маңызды.

Кездесудің ең көп талқыланған тұстарының бірі – Қазақстанның Ибраһим келісімдеріне қосылуға дайын екені жөніндегі мәлімдеме. Бұл символикалық қадамнан әлдеқайда ауқымды мәселе. Егер Астана осы форматқа ресми түрде кірсе, онда Қазақстан Израиль мен араб әлемі арасындағы жаңа экономикалық және дипломатиялық диалогты қолдайтын елдердің қатарына қосылады. Мұндай шешім Қазақстанның халықаралық беделін күшейтіп қана қоймай, Таяу Шығыстағы инвестициялық жобаларға қатысу мүмкіндігін арттыруы ықтимал.

Экономикалық есеп: технология мен инвестиция

Сапардың негізгі салмағы экономикада жатыр. Израиль инновация, стартап экожүйесі, қорғаныс технологиялары, агротехнология және су ресурстарын тиімді басқару саласында әлемдік көшбасшылардың бірі саналады. Қазақстан үшін бұл тәжірибе аса маңызды. Әсіресе цифрландыру, жасанды интеллект, финтех, логистика және ақылды инфрақұрылым бағыттарында ынтымақтастық екі елдің мүддесіне сай келеді. Тоқаевтың Қазақстанда Жасанды интеллект және цифрландыру жылы жарияланғанын атап өтуі де кездейсоқ емес. Бұл Израиль капиталы мен технологиясына нақты сұраныс барын көрсетті.

Тікелей әуе рейстерін ашу мәселесінің көтерілуі де кездейсоқ деталь емес. Әуе қатынасы пайда болса, іскерлік байланыс жеделдейді, туризм өседі, сауда айналымы артады. Сонымен қатар қосарланған салықты болдырмау туралы келісімнің талқылануы Қазақстанның инвесторларға қолайлы орта қалыптастыруға тырысып отырғанын білдіреді. Ірі капитал үшін мұндай шешімдер саяси мәлімдемеден де маңыздырақ.

Гуманитарлық бағыт та назардан тыс қалған жоқ. Израиль президентінің қазақ жері мен мәдениеті туралы жылы пікірлері екі халық арасындағы жақындасудың жұмсақ дипломатия тетігіне айналуы мүмкін. Алдағы кезеңде білім беру, медицина, ғылым және мәдени алмасу жобалары күшеюі ықтимал. Бұл мемлекетаралық қатынасты тек үкімет деңгейінде емес, қоғамдар деңгейінде де нығайтады.

Жалпы алғанда, бұл сапар Қазақстанның сыртқы саясатында жаңа кезең басталғанын көрсетті. Астана енді тек теңгерімді саясат жүргізуші ел емес, нақты геосаяси процестерге ықпал ете алатын алаң ретінде көрінуге ұмтылып отыр. Израильмен жақындасу – тек екіжақты қатынас емес, Қазақстанның технологиялық жаңғыруы мен халықаралық ықпалын күшейтуге бағытталған ұзақ мерзімді стратегияның бөлігі. Сондықтан бұл сапардың мәні бір күндік жаңалықта емес, алдағы жылдары байқалатын нәтижелерде жатыр.

The post Қазақстанның жаңа бағыты: Израильмен әріптестік не береді? appeared first on QANDASTAR.KZ.

Ақордада Израиль басшысы Ицхак Герцогты салтанатты қарсы алу рәсімі өтті.

Президенттер бір біріне делегация мүшелерін таныстырды.

Кейін Құрмет қарауылының бастығы рапорт беріп, екі елдің әнұрандары орындалды.

The post Израиль президенті Астанаға келді appeared first on QANDASTAR.KZ.

Тараптар екі аптаға атысты тоқтату туралы келісімге келіп, стратегиялық маңызы зор Ормуз бұғазын ашуға уағдаласты, деп хабарлайды qandastar.kz порталы.

АҚШ тарапы әскери әрекеттерді уақытша тоқтатуға дайын екенін мәлімдеді.

Бұл шешім теңіз дәлізінің толық ашылуымен тікелей байланысты.

Бұған дейін жүргізілген келіссөздер барысында бірқатар саяси тұлғалар қатысып, нәтижесінде уақытша бітімге қол жеткізілген.

Келісім аясында Иран бұғаз арқылы өтетін халықаралық кемелердің қауіпсіздігін қамтамасыз етуге кепілдік беріп отыр.

Алдағы екі апта ішінде тараптар Пәкістан астанасы Исламабадта ресми келіссөздер өткізіп, ұзақ мерзімді келісімге келу мүмкіндігін қарастырады.

Бұл жаңалық жаһандық нарықтарға бірден әсер етті.

Мұнай бағасы күрт төмендеп, кейбір сегменттерде 16 пайызға дейін арзандады. Сонымен қатар, АҚШ қор нарығында оң динамика байқалып, фьючерстер өсім көрсетті.

Сарапшылардың пікірінше, уақытша бітім энергетикалық қауіпсіздікке қатысты тәуекелдерді азайтып, әлемдік экономикаға қысқа мерзімді тұрақтылық әкелуі мүмкін.

Өз кезегінде Израиль АҚШ-тың Иранға соққыларды уақытша тоқтату шешімін қолдады, деп жазады жергілікті БАҚ.

Премьер-министр Биньямин Нетаньяхудың кеңсесі Вашингтон жариялаған әскери іс-қимылдардағы уақытша үзіліске келісетінін растады.

Сонымен қатар, Нетаньяху бітімнің Ливанға қатысы жоқ екенін нақтылады, деп хабарлайды The Times of Israel.

The post Ормуз бұғазы ашылады: АҚШ пен Иран екі аптаға бітімге келді appeared first on QANDASTAR.KZ.

Басылымның мәліметінше, 26 наурыз күні ИРСК әскери-теңіз күштерінің қолбасшысы Әлиреза Тангсири көз жұмған. Ол Иранның оңтүстігіндегі Бандар-Аббас қаласында орналасқан әскери-теңіз базасына жасалған соққы кезінде мерт болғаны айтылған.

Жарияланған деректерге қарағанда, бұл шабуылды Израиль жасаған болуы мүмкін. Алайда әзірге Израиль де, Иран да бұл ақпаратты ресми түрде растаған жоқ.

Израильдік дереккөздің айтуынша, Әлиреза Тангсири Ормуз бұғазын бақылауға жауапты тұлғалардың бірі болған. Бұл бұғаз – әлемдік мұнай тасымалының маңызды бағыттарының бірі саналады.

Еске салайық, бұған дейін Иран кейбір мемлекеттердің кемелеріне Ормуз бұғазы арқылы өтуге рұқсат бергені хабарланған болатын.

The post Иран әскери-теңіз күштерінің қолбасшысы әуе шабуылында қаза тапқаны хабарланды appeared first on QANDASTAR.KZ.

Израильдің 12-арнасы мәліметінше, зымыран әуеде қағып түсірілген кезде оның сынықтары жерге құлап, көпқабатты тұрғын үй қирап, өрт шыққан. Оқиға салдарынан жалпы 33 адам зардап шеккен, олардың ішінде 10 жастағы бала бар.

Бұл Димона қаласы мен оның маңына жасалған жетінші шабуыл болып есептеледі. Әлеуметтік желілерде оқиға орнынан бейнежазбалар таралуда. Ал демалыс күндері Иран аумағына Израиль тарапынан ондаған нысанға соққы жасалған, олардың ішінде қару-жарақ пен Израильге бағытталатын баллистикалық зымырандарды өндіру және сақтау үшін қолданылатын объектілер бар.

Шабуылдар зымыран ұшыру қондырғыларына, әуе қорғаныс жүйелеріне және әскери базаларға бағытталған. Нысандар арасында Ислам революциясы сақшылар корпусының баллистикалық зымырандарға қажетті компоненттерін өндіретін зауыттар, бөлшектер қоймалары және Иран Қорғаныс министрлігінің зымыран отынын шығаратын кешендері бар.

Израиль қорғаныс армиясының (ЦАХАЛ) хабарлауынша, бұл соққылар баллистикалық зымырандарға қажетті компоненттерді өндіру қабілетін айтарлықтай төмендеткен. Сонымен қатар, Иран астанасындағы әуе қорғаныс жүйелері де нысанаға алынған.

Әскерилердің айтуынша, бұл операция Иранның маңызды әскери инфрақұрылымына бағытталған әрі тереңдетілген іс-шара болып, зымыран жасау мүмкіндігін шектеу мақсатында әрі қарай да жалғасады. Бұған дейін Дональд Трамп Иранға Ормуз бұғазын ашу үшін 48 сағат уақыт бергені хабарланған.

The post Иран Израильдің ядролық нысандарына шабуыл жасауға әрекеттенді appeared first on QANDASTAR.KZ.

Аракчиның сөзінше, Иран уақытша бітімге емес, қақтығыстың толық және тұрақты шешілуіне ұмтылады. Сонымен қатар, ол Жапониямен келіссөз жүргізгеннен кейін Ормуз бұғазы арқылы жапон кемелерінің өтуіне рұқсат беруге дайын екенін жеткізді. Бұл мәселе екі ел арасында талқылануда, ал Жапонияның Таяу Шығыстан импорттайтын шикі мұнының 90%-ы осы аймаққа тиесілі.

Сондай-ақ, Аракчи Иранның саяси жүйесі жеке тұлғаларға тәуелді емес екенін атап өтті: жоғары лауазымды тұлғалар қаза болса да, жүйе өз жұмысын жалғастыра береді.

АҚШ пен Израильдің Иранға қарсы операциясы 28 ақпанда басталып, қақтығыс үшінші аптаға созылып отыр. Тель-Авив Тегеранның ядролық қаруға қол жеткізуіне жол бермеуді мақсат етіп, Вашингтон елдің әскери әлеуетін әлсіретіп, билікті ауыстыруға шақырған. Иран өз кезегінде өзін қорғауға дайын екенін мәлімдеп, келіссөздерді қайта бастауға әзір еместігін білдірді.

The post Иран АҚШ пен Израильмен атысты тоқтатпайтынын мәлімдеді appeared first on QANDASTAR.KZ.

Әңгіме барысында Израиль басшысы Қазақстанда өткен жалпыұлттық референдумның сәтті өтуімен және жаңа Конституцияның қабылдануымен құттықтады.

Тараптар екі ел арасындағы ынтымақтастықтың қазіргі жағдайы мен оны одан әрі дамыту перспективаларын талқылады. Әсіресе сауда-экономикалық және инвестициялық байланыстарды нығайту мәселесіне ерекше назар аударылды.

Ицхак Герцог мемлекеттердің ұзақ мерзімді экономикалық дамуы үшін бейбітшіліктің маңызы зор екенін атап өтіп, Қасым-Жомарт Тоқаевтың осы бағыттағы ұстанымын қолдайтынын жеткізді.

Өз кезегінде Қазақстан Президенті халықаралық қақтығыстарды тек саяси жолмен шешу қажет екенін айтты.

Сонымен қатар Израиль Президенті Қазақстанның Ибраһим келісімдеріне қосылу туралы шешімін жоғары бағалап, оны Таяу Шығыста бейбітшілік орнатуға бағытталған маңызды қадам ретінде атады.

The post Қасым-Жомарт Тоқаев пен Ицхак Герцог телефон арқылы сөйлесті appeared first on QANDASTAR.KZ.

Бұл туралы елдің жаңа жоғарғы көсемі Моджтаба Хаменеи айтты.

Оның сөзінше, Тегеран өңірдегі жағдайға қатысты ұстанымын өзгерткен жоқ. Хаменеи Ормуз бұғазының жабық күйінде қалуы керек екенін атап өтті.

Сонымен қатар Иран көршілес мемлекеттермен сындарлы әрі тұрақты қарым-қатынас орнатуға мүдделі екенін жеткізді.

Алайда Тегеран аймақтағы АҚШ әскери базаларын жабуды талап етеді. Оның айтуынша, Иран тек осы нысандарға соққы жасауды көздейді.

Иран басшысы сондай-ақ АҚШ пен Израильмен қақтығыс кезінде қаза тапқандардың кегі қайтарылатынын айтты.

Бұдан бөлек, Моджтаба Хаменеи әскери шиеленіс салдарынан өзінің жақын туыстары – әйелі, әпкесі, баласы және тағы бір әпкесінің күйеуінің қаза тапқанын растады.

The post Иран АҚШ пен Израильден соғыс шығынын өтеуді талап етті appeared first on QANDASTAR.KZ.