Ол марқұмдардың жақындары мемлекет пен жұмыс беруші тарапынан толық қолдау алатынын мәлімдеді.

Әкімнің айтуынша, әр отбасыға материалдық көмек көрсетіліп, қызметкерлердің жыл соңына дейінгі жалақысы төленеді.

Сондай-ақ несиелерін өтеуге қолдау беріледі.

Бұдан бөлек, компания қаза болған азаматтардың кәмелетке толмаған балалары 18 жасқа толғанға дейін оларды күтіп-бағу және білім алу шығындарын толық өз мойнына алады.

Асайын Байханов Мемлекеттік еңбек инспекциясы, полиция және прокуратураға тергеу жұмыстарын ерекше бақылауда ұстауды тапсырды. Ол оқиғаның барлық мән-жайын жан-жақты әрі әділ анықтап, еңбек қауіпсіздігі талаптарының бұзылуына жол берген жауапты тұлғалардың заң алдында жауап беруін қамтамасыз етуді міндеттеді.

Посмотреть эту публикацию в Instagram

Публикация от @pavlodar_region

The post 6 адамның өлімі: Павлодар облысының әкімі оқиғаны жеке бақылауына алды appeared first on QANDASTAR.KZ.

Алдын ала мәлімет бойынша, кәріз құдығында жүргізілген жұмыстар кезінде алты адам қаза тауып, тағы бір адам ауруханаға жеткізілді.

Дәрігерлер оқиға орнында 1963, 1975, 1983, 1998, 2006 және 2009 жылы туған алты ер адамның қайтыс болғанын растады.

Ал 1988 жылы туған ер адам көмірқышқыл газынан орташа дәрежеде уланып, Ақтоғай аудандық ауруханасына жатқызылды.

Қазіргі уақытта оған қажетті медициналық көмек көрсетіліп жатыр.

Алдын ала тараған ақпаратқа сәйкес, қайғылы жағдай кәріз құдығындағы электр сорғысының ақауын жөндеу кезінде болған.

Аталған дерек бойынша қылмыстық іс қозғалып, оқиғаның барлық мән-жайы анықталып жатыр.

The post Павлодар облысында кәріз құдығынан 6 адамның мәйіті табылды appeared first on QANDASTAR.KZ.

Жамбыл облысының Шу қаласында аурухана аумағындағы кәріз құдығында болған қайғылы оқиғадан екі қызметкер көз жұмды.

Алдын ала мәлімет бойынша, кәріз жүйесін жөндеуге түскен сантехник өзін жайсыз сезініп, көмек шақырған. Оның дауысын естіген зертхана қызметкері әріптесін құтқару үшін шамамен үш метр тереңдіктегі құдыққа түскен. Алайда ол да есінен танып қалған. Кейін көмекке ұмтылған тағы бір қызметкер де құдықтан шыға алмай қалған.

Оқиға салдарынан екі адам қаза тауып, үшінші болып құдыққа түскен адам аман қалған. Қазір ол дәрігерлердің бақылауында.

Жамбыл облыстық денсаулық сақтау басқармасы оқиғаға байланысты ресми мәлімдеме жасап, тергеу жүріп жатқанын хабарлады.

«Орын алған жазатайым оқиға бойынша уәкілетті мемлекеттік органдарымен жан-жақты тергеу жұмыстары жүргізілуде. Аурухана әкімшілігі тергеу органдарына толық көлемде қолдау көрсетіп, жан-жақты ықпал етуде. Тергеу іс-шаралары аяқталғанға дейін расталмаған ақпаратты таратудан және ресми тергеу қорытындылары жарияланғанға дейін қандай да бір қорытынды жасаудан немесе пікір білдіруден аулақ болуларыңызды сұраймыз», – делінген мәлімдемеде.

Оқиғаға қатысты полиция қылмыстық іс қозғады.

«Қылмыстық кодекстің 156-бабының 4-бөлігі «Абайсызда екі немесе одан да көп адамның өліміне әкеп соққан еңбекті қорғау қағидаларын бұзу» бойынша сотқа дейінгі тергеу басталды. Қазіргі уақытта оқиғаның барлық мән-жайы анықталуда», – деп хабарлады Жамбыл облысының полиция департаменті.

Тергеу аяқталғаннан кейін процессуалдық шешім қабылданады.

The post Шуда кәріз құдығына түскен аурухана қызметкерлері қаза тапты appeared first on QANDASTAR.KZ.