Оның айтуынша, жыл сайын мемлекеттік білім беру тапсырысының белгілі бір бөлігі әлеуметтік санаттағы талапкерлерге арналған арнайы квота ретінде бөлінеді. Мәселен, төрт және одан да көп баласы бар көпбалалы отбасылардан шыққан талапкерлер үшін гранттардың жалпы санының 5 пайызы қарастырылған.

Сонымен қатар қандастарға, толық емес отбасылардан шыққан талапкерлерге және басқа да әлеуметтік осал санаттарға жеке квоталар бөлінеді. Толық емес отбасыдан шыққан талапкерлер үшін гранттардың 3 пайызы белгіленген.

Арнайы квота I және II топтағы мүгедектігі бар азаматтарға, сондай-ақ мүгедектігі бар адамды тәрбиелеп отырған отбасылардан шыққан талапкерлерге де қарастырылған.

Министрлік өкілінің айтуынша, бұл санаттағы талапкерлер тек өздеріне бөлінген квота аясында конкурсқа қатысады. Ал жалпы конкурсқа қатысушылар арнайы квота бойынша бөлінген гранттарға үміткер бола алмайды.

Сонымен қатар ерекше білім беру қажеттілігі бар студенттерге жоғары оқу орындарында қажетті жағдайлар жасалады. Оларға инклюзивті білім беру талаптарына сәйкес оқу процесінде арнайы қолдау көрсетіледі.

The post Әлеуметтік осал топтағы талапкерлер грантқа арнайы квота арқылы қатысады appeared first on QANDASTAR.KZ.

Ұлттық киноны қолдау орталығы мемлекеттік қолдауға үміткер киножобаларды іріктеу конкурсының екінші кезеңін бастады. Сараптама кеңесінің оң қорытындысын алған сценарий мен сценарий жоспарларының, конкурстық іріктеудің екінші кезеңіне өткен киножобалардың тізімімен осы жерде таныса аласыз.

Конкурстық іріктеудің бірінші кезеңінде оң қорытынды алған үміткерлер құжаттарды электронды форматта тапсыруы тиіс. Барлық қажетті құжаттарды Орталықтың ресми сайтындағыhttps://kazakhcinema.kz/kz/konkurs_2025 сілтеме арқылы 2025 жылдың 18 сәуір мен 13 мамыр, сағат 18:00-ге дейін жіберу қажет. Атап өту қажет, үміткерлер мына талаптарды ескеруі тиіс:

• құқық қабілеттілігіне (заңды тұлғалар үшін), азаматтық әрекет қабілеттілігіне (жеке тұлғалар үшін) ие болуы;
• республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салық берешегінің болмауы;
• банкроттық не тарату рәсіміне жатпауы (мәліметтер Орталықпен тексерілерді).

Өтінімдерді тапсырғаннан кейін құжаттардың толық ұсынылмауы анықталған жағдайда конкурстық процестің әділдігі мен ашықтығын қамтамасыз ету мақсатында өтініш берушіге анықталған қателерді түзетуге 3 жұмыс күні беріледі.

The post Қазақстанда киножобалар байқауының екінші кезеңі басталды appeared first on QANDASTAR.KZ.

 Ұлттық кино орталығы мемлекеттік қолдауға үміткер киножобаларды іріктеу конкурсының бірінші кезеңін қорытындылады. Сараптама кеңесінің оң қорытындысына ие болған 128 сценарий мен сценарий жоспарыконкурстық іріктеудің екінші кезеңіне өтті. Киножобалардың тізімімен осы жерде таныса аласыз 

«Жауапкершілік арқалаған кеңес құрамына үздік жобаларды іріктеу оңай болған жоқ. Талаптар тасада қалмай, сценарийдің басым тақырыптарға сәйкес келуі, сюжет құрылымы мен драматургия принциптеріне баса назар аударылды. Осылайша, оң қорытынды алған жобалар екінші кезеңге жолдама алып отыр. Оза шыққандарға сәттілік тілеймін!

Енді 18 сәуір-13 мамыр аралығында конкурстың екінші кезеңі өтеді. Конкурстық іріктеудің бірінші кезеңінде оң қорытынды алған үміткерлер қажетті құжаттарды электронды форматта тапсыруы тиіс. Құжаттарды тапсырғаннан кейін анықталған қателерді түзетуге 3 күн уақыт берілетінін еске саламын. Бұл – Мәдениет және ақпарат министрлігінің қолдауымен өткен жылы қолданысқа енген жаңа ережедегі өзгерістің бірі», – деп атап өтті Кино орталығының Басқарма төрағасы Құрманбек Жұмағали.

Айта кетейік, Кино орталығы конкурстық іріктеудің бірінші кезеңі бойынша құжат қабылдауды 13 наурызда аяқтаған болатын. Биыл анимациялық, деректі және көркем фильмдердің әртүрлі секциялары бойынша біршама өтінім келіп түсті. Электронды түрде тіркелген сценарийлер мен сценарий жоспарларының жалпы саны – 444. Сараптама кеңесінің қарауына 357 сценарий мен сценарий жоспары ұсынылды. Оның ішінде көркем фильмдер бойынша 242 сценарий, анимациялық фильмдер 32 сценарий, деректі фильмдер бойынша 83 сценарий жоспары бар.

Сәйкесінше, Сараптама кеңесі жобалардың биыл қаңтар айында жарияланған басым тақырыптарға сәйкестігін, киножобаның сценарийі немесе сценарий жоспарының тұжырымдамасын, сонымен қатар сценарийдің техникалық тұсын, кейіпкерлердің бейнесінің ашылуын ескерді.

The post Киножобалар байқауы: 128 жоба екінші кезеңге жолдама алды appeared first on QANDASTAR.KZ.