Алматы қаласының Наурызбай ауданындағы «Достық» ықшам ауданында уақытша тұрғын үйден өрт шықты. Тілсіз жау шамамен 100 шаршы метр аумақты шарпыған.

Төтенше жағдай орнына жедел жеткен өрт сөндірушілер жалынды қысқа уақытта оқшаулап, оның көрші ғимараттарға таралуына жол бермеді.

Өрт толықтай сөндірілді.

Қауіпсіздік мақсатында полиция қызметкерлері оқиға орнын қоршауға алып, маңайдағы тұрғындарды уақытша эвакуациялаған.

Өртті сөндіру кезінде үй ішінен ер адам табылып, ауыр күйікпен ауруханаға жеткізілді.

Алдын ала мәлімет бойынша, ол оқиға кезінде алкогольдік ішімдік ішкен болуы мүмкін.

Қазір өрттің шығу себептері анықталып жатыр.

Оқиғаның барлық мән-жайын тексеру үшін өрт қауіпсіздігі бойынша тергеу басталды.

The post Алматыда жалын шарпыған үйден ауыр халдегі ер адам табылды appeared first on QANDASTAR.KZ.

Оқиға 29 қаңтарда сағат 12:20-да №5 цехта болған.

«Сары фосфор өндіру барысында қожды ағызу бойынша жоспарлы жұмыстарды орындау кезінде №5 пештің +7,8 м деңгейінде қож ағызу науасынан қождың тасып кетуі орын алған. Оқиға салдарынан бірнеше қызметкер әртүрлі дәрежедегі термиялық күйік алды», — дейді зауыттың баспасөз қызметі.

Оқиға орнына жедел түрде медициналық бригада шақырылды.

Зардап шеккендерге алғашқы медициналық көмек көрсетіліп, кейін әрі қарай ем алу үшін мамандандырылған медициналық мекемеге жеткізілді.

Компания тарапынан зардап шеккен қызметкерлерге емделуге және қажетті дәрі-дәрмектерді сатып алуға байланысты шұғыл шығындарды өтеу үшін бірден алғашқы материалдық көмек көрсетілді.

«Сонымен қатар, компания қызметкерлердің денсаулығын қалпына келтіру барысында медициналық қорытындылар мен мамандардың ұсынымдарына сәйкес анықталатын барлық кейінгі шығындар толық көлемде өтелетінін растайды», — делінген мәлімдемеде.

Компания басшылығы персоналдың қауіпсіздігін қамтамасыз ету және осындай жағдайлардың алдын алу бойынша шұғыл шаралар қабылдады. Қауіпті аймақ уақытша қоршалып, персоналдың қолжетімділігі шектелді.

Қазіргі уақытта оқиғаның мән-жайы мен себептері анықталуда.

Аталған жағдай компания басшылығының ерекше бақылауында.

The post «Жағдай – бақылауда»: Жамбыл облысында зауытта жұмысшылар күйік алды appeared first on QANDASTAR.KZ.