Қазақстанға кірудің жаңа тәртібі жөніндегі толық мәліметті Сербияның Сыртқы істер министрлігі жариялаған.

Электронды рұқсат QazETA цифрлық платформасы арқылы рәсімделеді. Өтінішті сапар басталардан кемінде 72 сағат бұрын тапсыру қажет. Берілген рұқсат 180 күн бойы жарамды болады және осы мерзім ішінде Қазақстанға бірнеше мәрте кіруге мүмкіндік береді.

QazETA жүйесі арқылы алдын ала рәсімделген рұқсаттың құны 3900 теңге болады деп жоспарланған. Ал рұқсатты тікелей мемлекеттік шекарада алу екі есе қымбатқа түсіп, 7800 теңгені құрайды.

Жаңа талаптарға сәйкес, 1 қарашадан бастап Қазақстанға әуе көлігімен келетін визасыз шетел азаматтарының барлығы электронды рұқсат алуға міндетті. Ал 30 қарашадан бастап бұл ереже Ресей және Қырғызстанмен шектесетін ЕАЭО-ның ішкі шекараларындағы автокөлік өткізу бекеттері арқылы кіретін азаматтарға да қолданылады.

The post Қазақстанға визасыз келетін шетелдіктер үшін ақылы электронды рұқсат жүйесі енгізіледі appeared first on QANDASTAR.KZ.

Қазір С1 және С10 санатындағы визаларға қатысты талаптарды қайта қарау ұсынылған. Бұл өзгерістер Сыртқы істер және Ішкі істер министрліктерінің бірлескен бұйрығына енгізілмек.

Ұсыныстың негізгі мақсаты – визалық тәртіпті реттеу, көші-қон бақылауын күшейту және құжаттың қолданылу уақытын оның рәсімделу мақсатына сәйкестендіру.

Мәселен, С10 визасы этникалық қазақтарға Қазақстанға жеке мақсатпен келуге мүмкіндік береді. Қолданыстағы тәртіп бойынша бір реттік виза 90 күнге дейін берілсе, көп реттік визаның мерзімі үш жылға дейін жетеді. Ал мұндай визаны алғаш рет алатындарға ол бір жылға дейін рәсімделеді.

Енді осы мерзімдерге өзгеріс енгізу ұсынылып отыр. Яғни этникалық қазақтарға берілетін визалардың қолданылу уақыты бұрынғыдан қысқа болуы мүмкін.

Әзірге бұл – ұсыныс. Өзгерістердің нақты қандай мерзімдерді қамтитыны құжат жобасы қабылданғаннан кейін белгілі болады.

The post Этникалық қазақтарға берілетін визаның мерзімі қысқаруы мүмкін appeared first on QANDASTAR.KZ.

Ведомство мәліметінше, 3 тамыздан бастап B-1/B-2 санатындағы уақытша іскерлік және туристік визаларға өтініш берген кейбір шетел азаматтарынан АҚШ аумағында болу талаптарын сақтап, елден уақытылы шығатынына кепіл ретінде қаржылық кепілдік енгізу сұралуы мүмкін.

АҚШ консулдық қызметкерлері мұндай талапты виза беру шарты ретінде 20 мың долларға дейінгі сома көлемінде белгілеуге құқылы. Бұл шешім әр өтініш берушіге жеке қарастырылады.

Жаңартылған тізімге барлығы 50 мемлекет кірген. Олардың басым бөлігі Африка құрлығындағы елдер болса, қатарында Грузия, Қырғызстан, Тәжікстан және Түрікменстан да бар. Қазақстан бұл тізімге енгізілмеген.

Айта кетейік, бұған дейін наурыз айында АҚШ билігі виза алу кезінде 15 мың доллар көлемінде кепілдік төлеуі мүмкін мемлекеттер тізімін кеңейткен болатын. Ол кезде де Қазақстан азаматтарына мұндай талап қойылмаған еді.

The post АҚШ визасы үшін 20 мың доллар кепілдік талап етілуі мүмкін елдер тізімі жарияланды appeared first on QANDASTAR.KZ.

Бүгінде 105 елдің азаматтары Қазақстанға елшілікке жүгінбей-ақ электрондық виза арқылы келе алады, деп хабарлайды qandastar.kz порталы.

Бұл туралы Үкімет отырысында Ішкі істер министрі Ержан Сәденов мәлімдеді.

Министрдің айтуынша, туризмді дамыту мақсатында көші-қон рәсімдері цифрландырылып, көлік қатынасының қолжетімділігі артып келеді. Сонымен қатар туристердің қауіпсіздігін қамтамасыз етуге ерекше көңіл бөлінуде.

«Қазіргі таңда 105 елдің азаматтары елшіліктерге жүгінбей-ақ электрондық виза арқылы Қазақстанға кіре алады. Сонымен қатар IT-мамандарға арналған Digital Nomad Visa және туристерге арналған Neo Nomad Visa енгізілген. Қабылдаушы тарап шетелдік азаматтың келуі туралы хабарламаны онлайн форматта жолдай алады», – деді Ержан Сәденов.

Сондай-ақ еліміздің әуежайлары мен ірі шекаралық өткізу бекеттерінде туристерге QR-коды бар арнайы ақпараттық карталар ұсынылады. Онда Қазақстанда болу ережелері, шұғыл қызметтердің байланыс нөмірлері және байланыс операторлары туралы қажетті мәліметтер қамтылған.

Көші-қон қызметтерін одан әрі жетілдіру үшін QazETA мобильді қосымшасы әзірленіп жатыр. Ал туристік полиция бөлімшелері еліміздің 18 өңіріндегі туристік нысандар мен ұлттық саябақтарда қызмет көрсетеді. Шет тілдерін меңгерген полиция қызметкерлері шетелдік қонақтарға қажетті көмек пен ақпарат ұсынады.

The post 105 елдің азаматы Қазақстанға онлайн виза арқылы келе алады appeared first on QANDASTAR.KZ.

Тараптар ұлттық паспорт иелерін визалық талаптардан босату жөніндегі ықтимал келісімге қатысты ниет туралы меморандумға, қоғамдық дипломатия саласындағы ынтымақтастық жөніндегі өзара түсіністік туралы меморандумға, сондай-ақ дипломатиялық кадрларды даярлау бағытындағы өзара іс-қимылды көздейтін құжатқа қол қойды.

Келіссөздер барысында сауда-экономикалық, инвестициялық, инновациялық және гуманитарлық байланыстарды кеңейту мәселелері талқыланды.

ҚР Сыртқы істер министрі Ермек Көшербаев Израиль сыртқы саяси ведомствосы басшысының Қазақстанға сапары екіжақты қарым-қатынастарды нығайтуға деген ортақ ұмтылысты айқындайтынын айтты.

2025 жылдың қаңтар-қараша айлары аралығында Қазақстан мен Израиль арасындағы тауар айналымы 162 млн АҚШ долларын құраған. Ал соңғы 20 жылда Израильден Қазақстан экономикасына шамамен 500 млн доллар көлемінде инвестиция тартылған, – деді Ермек Көшербаев.

Бұл кездесуде су ресурстарын тиімді басқару, ауыл шаруашылығы, азық-түлік қауіпсіздігі салаларындағы ынтымақтастыққа ерекше назар аударылды. Қазақстан тарапы Израильдің су үнемдеу технологиялары бойынша жинақтаған тәжірибесін жоғары бағалап, израильдік компанияларды бірлескен жобаларға шақырды.

Сондай-ақ, тараптар өңірлік және жаһандық күн тәртібіндегі өзекті мәселелер бойынша пікір алмасты. Қазақстан БҰҰ Қауіпсіздік Кеңесі бекіткен «екі мемлекет – екі халық үшін» қағидатына негізделген палестиналық реттеуді қолдайтынын тағы да растады.

Өз кезегінде Израиль Сыртқы істер министрі Гидеон Саар Қазақстанды Израильдің маңызды серіктесі әрі дос елі ретінде атап өтті.

Қазақстан – біздің сенімді әріптесіміз. Елдеріміз арасындағы қатынастар ортақ тарих пен демократиялық құндылықтарға негізделген. Біз Президент Тоқаевтың болашаққа бағытталған көреген саясатын жоғары бағалаймыз және осы серіктестіктің әлеуетін толық іске асыруға ниеттіміз, – деді Гидеон Саар.

Израиль тарапы экономикалық ынтымақтастықты кеңейтуге, оның ішінде киберқауіпсіздік, денсаулық сақтау, ауыл шаруашылығы және су ресурстарын сақтау салаларына инвестиция салуға дайын екенін жеткізді. Осы мақсатта Астанаға 30-дан астам бизнес өкілінен тұратын делегация келген.

The post Қазақстан мен Израиль визасыз режимге қатысты меморандумға қол қойды appeared first on QANDASTAR.KZ.

Кездесу барысында халықаралық байланыстарды кеңейту, студенттер, ғалымдар және кәсіби мамандар үшін жаңа мүмкіндіктер ашу мәселелеріне ерекше назар аударылды.

Тараптар 2 желтоқсанда Брюссельде басталатын Қазақстан азаматтарына арналған визалық режимді жеңілдету және реадмиссия туралы келіссөздерді құптады.

«Бұл қадам гуманитарлық байланыстарды нығайтуға, студенттер мен зерттеушілер үшін жаңа мүмкіндіктер ашуға, сондай-ақ азаматтардың мобильдігін арттыруға ықпал етеді», – делінген ведомство хабарламасында.

Көшербаев пен Каллас тараптардың саяси диалогты дамытуға, сауда мен инвестицияны кеңейтуге, өңірлік өзара байланыс пен гуманитарлық ынтымақтастықты тереңдетуге бейілді екенін растады.

Сонымен бірге Қасым-Жомарт Тоқаев пен Александр Стубб өткізген келіссөздер барысында да миграциялық саясат және визалық режимді либерализациялау мәселелері маңызды тақырыптардың бірі болды.

Тараптар Қазақстан мен ЕО арасындағы визалық режимді жеңілдетуге бағытталған келіссөздердің басталуын құптап, тиісті келісімнің уақытылы жасалуына мүдделілік білдірді.

The post Қазақстан мен ЕО визалық режимді жеңілдету жөнінде келіссөздерді бастады appeared first on QANDASTAR.KZ.

Дональд Трамп әкімшілігі емделуді қажет ететін әрі «қоғамға экономикалық салмақ түсіруі мүмкін» адамдардың елге кіруін шектеуді көздейді.

Адвокат Чарльз Уилердің айтуынша, бұл шаралар ең алдымен АҚШ-та тұрақты тұруға ниет білдірген иммигранттарға қатысты қолданылуы мүмкін.

Тыйым салынуы ықтимал санатқа диабет, семіздік, қатерлі ісік, жүрек-қан тамырлары аурулары сияқты дерттері бар шетелдіктер кіреді.

Мұндай шектеулердің енгізілуі адам құқықтары мен медициналық этика тұрғысынан даулы пікір туғызуы ықтимал.

The post Семіздік пен қатерлі ісікке шалдыққандарға АҚШ визасы берілмеуі мүмкін appeared first on QANDASTAR.KZ.

Енді Еуропалық Одаққа мүше емес елдердің азаматтары үшін 29 еуропалық елдің сыртқы шекараларын кесіп өтуге арналған жаңа ережелер күшіне енді. Бұл ережелер визалық режимнің бар немесе жоқтығына қарамастан қолданылады.

Еуропалық Entry/Exit System (EES) – бұл Шенген аймағының сыртқы шекараларында ЕО азаматтығы жоқтар (сондай-ақ Швейцария азаматтары емес) үшін паспортқа мөр басу жүйесін алмастыратын бірыңғай цифрлық база. Ол әр 180 күн ішінде 90 күнге дейінгі қысқа мерзімді сапарлар үшін қолданылады.

Алты айдан кейін, яғни 2026 жылдың 10 сәуірінен бастап, EES жүйесі қазіргі қолмен мөр басу жүйесін толықтай ауыстырады. Бұл жаңа жүйе Шенген ережелерін қолданатын 29 елде (соның ішінде Норвегия, Исландия, Швейцария және Лихтенштейнде) іске қосылады. Ирландия мен Кипр бұл жүйеге кірмейді.

EES қалай жұмыс істейді?

Бірінші кіру кезінде саяхатшының паспорт деректері тіркеліп, суреті мен саусақ ізі алынады. 12 жасқа дейінгі балалар үшін тек сурет қажет. Кейін жүйе елде болу күндерін автоматты түрде есептеп, рұқсат етілген мерзімнен асып кеткендерді анықтайды.

EES жүйесіне деректерін тапсыру міндеті Шенген шекарасын визасыз кесіп өтетіндерге де, виза алатындарға да қатысты. Тек елде тұруға рұқсаты барлар мен ұлттық ұзақ мерзімді визасы (D санаты) барлар тіркелмейді.

Жаңа ережелер кезең-кезеңімен енгізіледі. 12 қазаннан бастап EES жүйесі Германияның Дюссельдорф әуежайында іске қосылады. Сынақ кезеңінен кейін жүйеге Франкфурт пен Мюнхен әуежайлары қосылады, ал кейін басқа да әуежайларда енгізіледі. Испания бұл күні тек Мадридке келетін бір рейс арқылы осы жүйені тексермек. Нидерландтағы Амстердам Схипхол әуежайы EES жүйесімен тіркеуді 3 қарашадан бастап бастайды.

Ресми ақпаратқа сәйкес, Шенген аймағына өзара шекаралық бақылауы жоқ 29 еуропалық мемлекет кіреді:

1. Австрия,
2. Бельгия,
3. Болгария,
4. Венгрия,
5. Германия,
6. Греция,
7. Дания,
8. Исландия,
9. Испания,
10. Италия,
11. Латвия,
12. Литва,
13. Лихтенштейн,
14. Люксембург,
15. Мальта,
16. Нидерланды,
17. Норвегия,
18. Польша,
19. Португалия,
20. Румыния,
21. Словакия,
22. Словения,
23. Финляндия,
24. Франция,
25. Хорватия,
26. Чехия,
27. Швейцария,
28. Швеция,
29. Эстония.

The post Шенген визасының ережесі өзгерді: Қазақстандықтарды не күтіп тұр appeared first on QANDASTAR.KZ.

«Бұрын азаматтар жеке куәлікпен бара алмайтын. Енді бара алады. Енді тәртіп сақшылары ақпарат алмаса алады. Бұл ратификацияның тағы бір ерекшелігі – біздің елде қос азаматтық болмағанымен, ол Арменияда заңдастырылған дүние. Біздің елде қос азаматтығы бар адам анықталатын болса немесе қос азаматтығы бар адам біздің елге келетін болса оны ақпарат алмасу арқылы біліп отырамыз. Бұған дейін мұндай ақпаратты ала алмайтынбыз», – деді ол Мәжіліс кулуарында.

The post Енді қазақстандықтар Арменияға жеке куәліксіз бара алады appeared first on QANDASTAR.KZ.

Вашингтондағы Қазақстан елшілігі депортация туралы шешім шыққан АҚШ-тағы отандастарды айыппұлдар мен басқа да санкциялардан сақтану үшін отанға ерікті түрде қайту мүмкіндігін пайдалануға шақырды, деп хабарлайды qandastar.kz Skifnews.kz ақпарат порталына сілтеме жасап.

— АҚШ билігі депортациялау туралы сот шешімін алса да, елге қайтпай жүрген шетелдік азаматтарға «CBP Home» мобильді қосымшасын пайдалану арқылы мүмкіндігінше қысқа мерзімде өз еркімен елдеріне оралуға шақыруда екеніне назар аударамыз, — делінген елшілік хабарламасында. «CBP Home» мобильді қосымшасы арқылы өз еліне қайтатын азаматтарға келесі мүмкіндіктер берілмек:

— Азаматтың өзі қалаған рейспен ерікті және қауіпсіз түрде елге оралу мүмкіндігі бар; — АҚШ-та жұмыс жасап, тапқан қаражаты азаматтың өзінде қалады; — Құзырлы органдар тарапынан қамауға алынбайды және мәжбүрлі депортациясыз өз еліне оралады; — Әуе билетін сатып алуға мүмкіндігі жоқ азаматтарға қаржылай субсидия алу мүмкіндігі беріледі; — Болашақта заңды түрде АҚШ-қа қайта келу құқығына ие болады. ⠀ Өз еркімен елдеріне қайтпаған жағдайда төмендегі шараларды қолдану жоспарланып отыр:

— Жедел түрде депортациялау. АҚШ Ішкі қауіпсіздік министрлігінің (DHS) қызметкерлері ешбір дайындықсыз, азаматтарды жедел түрде қамауға алады; — Айыппұлдар мен санкциялар. Егер азамат депортация шешімі бола тұрып, еліне қайтпаған болса оған тәулігіне 998 АҚШ доллар айыппұл салынады. Бұл ретте айыппұл салу ретроспективті түрде, яғни бес жыл бұрын елден кету туралы сот шешімі шыққан азаматтардан өндіріледі (бұл жағдайда айыппұл шамамен 1 миллион долларға дейін баруы мүмкін). Айыппұлды төлеу мүмкіндігі болмаған жағдайда заңсыз жүрген шетелдіктерге тиесілі жылжымайтын және басқа да мүліктерін мемлекет меншігіне алу тәсілі қарастырылады. — Сонымен қатар, «CBP Home» арқылы қайтатынын білдіріп, еліне оралмаған азаматқа 1000-5000 доллар көлемінде қосымша айыппұл салынады; — АҚШ-қа қайта келуге тыйым салынады. АҚШ аумағына заңды түрде қайта кіру құқығынан көші-қон жүйесі арқылы бас тарту.

— Осыған орай, елшілік жағымсыз жағдайлардың алдын алу мақсатында қазақстандық азаматтарды АҚШ билігі ұсынылған мүмкіндікті пайдалануға шақырады, — делінген хабарламада.

The post Қазақстанның АҚШ-тағы елшілігі үндеу жасады appeared first on QANDASTAR.KZ.