جاڭالىقتار
تاعى دا اسكەردە: ارىستا اسكەري قىزمەتشى ءوزىن-ءوزى اتىپ جىبەردى
فوتو: اشىق دەرەككوز
قورعانىس مينيسترلىگىنىڭ ارىس قالاسىنداعى اسكەري بولىمىندە كەلىسىمشارتپەن جۇمىس ىستەيتىن ەفرەيتور ءوز باسىنان ءوزى اتىپ, اۋرۋحاناعا ءتۇستى, – دەپ حابارلايدى qandastar.kz
وقيعا 16 قىركۇيەكتە بولعان. د. ت., ەسىمدى ازامات ارىس قالاسىنىڭ ورتالىق اۋداندىق اۋرۋحاناسىنا جەتكىزىلگەن.
«16 قىركۇيەكتە تاۋلىكتىك كەزەكشىلىكتى اتقارۋ كەزىندە ارىس گارنيزونى اسكەري بولىمدەرى ءبىرىنىڭ كەلىسىمشارت بويىنشا اسكەري قىزمەتشىسى تراۆماتيكالىق قارۋدان باسىنان جاراقات الدى. الدىن الا اقپارات بويىنشا كەلىسىمشارت بويىنشا اسكەري قىزمەتشى وتباسىلىق-تۇرمىستىق جانجال اياسىندا ءوز-وزىنە قول جۇمساماق بولعان. ول اۋداندىق اۋرۋحاناعا جەتكىزىلدى. وعان بارلىق قاجەتتى مەديتسينالىق كومەك كورسەتىلىپ جاتىر. قازىرگى ۋاقىتتا دەنساۋلىق جاعدايى تۇراقتى-اۋىر دەپ باعالانىپ وتىر. ومىرىنە قاۋىپ ءتونىپ تۇرعان جوق», – دەپ مالىمدەدى قورعانىس مينيسترلىگى.
جاراقات الۋ فاكتىسى بويىنشا قىلمىستىق ءىس قوزعالىپ, تەرگەۋ ءىس-شارالارى جۇرگىزىلىپ جاتىر.
